Рыбак з філіпінскага вострава Палаван знайшоў жамчужыну, якая будзе прэтэндаваць на званне самай вялікай у свеце і, як мяркуецца, можа каштаваць каля 100 мільёнаў долараў, піша Malaysіan Dіgest. Мужчына вылавіў яе 10 гадоў таму, але нават не ўяўляў сабе яе сапраўднага кошту.
Жыхар горада Пуэрта-Прынсеса знайшоў велізарны каштоўны камень у 2006 годзе падчас шторму — яго лодка зачапілася за гіганцкае перламутравае ўтварэнне. Ён схаваў жамчужыну вагой 34 кілаграмы пад ложкам і лічыў сваім талісманам. Філіпінец вырашыў паказаць камень іншым людзям, толькі калі яго хаціна згарэла. Рыбак аднёс знаходку ў муніцыпальнае ўпраўленне па пытаннях турызму. «Мы былі ўражаны. Трэба, каб гемолагі дапамаглі нам сертыфікаваць яе. Цяпер мы чакаем пацвярджэння аўтэнтычнасці ад Гемалагічнага інстытута», — расказалі ў офісе па турызме.
Знаходка рыбака ў пяць разоў пераўзыходзіць габарытамі і вагой жамчужыну, якая лічылася рэкардсменкай да яе. Раней самым вялікім перламутравым каменем была прызнана сямікілаграмовая «жамчужына Алаха» (вядомая як «жамчужына Лаа Цзы»), таксама знойдзеная на Філіпінах. Улады горада хацелі б пакінуць камень у Пуэрта-Прынсесе, зрабіць яго славутасцю і прыцягнуць больш адпачывальнікаў. Malaysіan Dіgest не ўдакладняе, ці атрымае гаспадар жамчужыны якую-небудзь плату за знаходку.
Жамчужына такіх памераў не падобная на класічны шар, як звычайныя невялікія каменьчыкі-«сваякі», яна нагадвае хутчэй велізарны перламутравы кубак, і тым не менш можа вельмі шмат каштаваць.
Іван КУПАРВАС
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
