Вы тут

Хто такі дэпутат і што ён робіць?


Як ствараюцца законы? Ці магу я асабіста паўплываць на будучыню сваёй краіны?

Такія дарослыя пытанні задавалі на працягу гадзіны дзеці, якія адпачывалі ў дзіцячым аздараўленчым цэнтры «Пралеска» Жлобінскага раёна.


Адказвалі ім дарослыя, сярод якіх былі і дэпутаты, і прадстаўнікі органаў улады, і кіраўнікі грамадскіх арганізацый БРСМ і БРПА. У межах рэспубліканскага праекта «Адкрыты дыялог» была арганізавана дыскусійная пляцоўка для моладзі па абмене думкамі па актуальных пытаннях, якія абмяркоўваюць у грамадстве. Дзеці спачатку саромеліся, але калі старшыня Цэнтральнага савета піянерскай арганізацыі Вікторыя Мянанава пачала сама задаваць пытанні на тэмы, якія іх хвалююць, разняволіліся і пачалі выказваць свае меркаванні.

Між тым, як расказаў старшыня Гомельскай абласной піянерскай арганізацыі Арцём Карпенка, звычайная змена ў аздараўленчым цэнтры ператварылася ў тэматычную — пад назвай «Разумныя канікулы: салют піянерыі!»

— Штодзень каля 300 школьнікаў не толькі атрымлівалі пэўныя лячэбныя працэдуры, але і вольнай часінай актыўна ўдзельнічалі ў розных мерапрыемствах. Для іх былі арганізаваны тэматычныя дні. Супрацоўнікі МНС, ДАІ і выратавальнікі на вадзе праводзілі спецыялізаваныя заняткі ў межах акцыі «Шчаслівае лета». Тут праведзены Дзень культуры, акцыя «Кніга.by», тэматычныя дні патрыёта і фінансавай пісьменнасці.

Яшчэ ў аздараўленчым цэнтры на працягу змены актыўна працаваў карпункт юных журналістаў. Пісаць і афармляць артыкулы дзецям дапамагалі журналісты жлобінскай газеты «Новы дзень». Урэшце атрымалася ствараць папяровыя насценгазеты, дзе расказвалася пра змястоўнае жыццё ў аздараўленчым цэнтры. Акрамя таго, на старонцы сацыяльнай сеткі «УКантакце» штодзень з'яўляліся аператыўныя рэпартажы пра адметныя мерапрыемствы школьнікаў.

Старшыня Цэнтральнага савета піянерскай арганізацыі Вікторыя Мянанава адзначыла, што дыскусійная пляцоўка дапамагае моладзі ставіць праблемы і вырашаць іх, прапаноўваць ідэі, якія б хацелася рэалізаваць.

— Мне прыемная тая аддача, якую атрымліваю. Дыялог натхняе на новыя планы. Хочацца, каб дзеці былі нераўнадушнымі да свайго жыцця, да лёсу сваіх бацькоў, настаўнікаў і ўрэшце сваёй краіны. Калі чалавек разумее сваю ролю ў жыцці і гатовы нешта зрабіць для сваёй дзяржавы, ён будзе сапраўдным яе грамадзянінам.

Ірына АСТАШКЕВІЧ

іost@zvіazda.by

Загаловак у газеце: Дыялог, які натхняе

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.