19 жніўня ў сталіцы ў “Прэзідэнт-гатэлі” адбудзецца “Адкрыты дыялог” на тэму “Моладзь і выбары: формула адказнасці”, арганізатарам якога выступае Цэнтральны камітэт грамадскага аб'яднання “Беларускі рэспубліканскі саюз моладзі”.
Удзел у дыскусіі возьмуць больш за сто чалавек з усіх рэгіёнаў краіны. Гэта члены тэрытарыяльных, участковых і акруговых камісій, кіраўнікі тэрытарыяльных штабоў па арганізацыі ўдзелу ГА "БРСМ” у кампаніі па выбарах, нацыянальныя назіральнікі, акрэдытаваныя для маніторынгу парламенцкіх выбараў.
Даведка. У склад абласных (Мiнскай гарадской) тэрытарыяльных выбарчых камісій увайшло 6 прадстаўнікоў маладзёжнай арганізацыі; акруговых — 90, участковых — 3490. Па стану на 15 жніўня 2710 прадстаўнікоў БРСМ акрэдытаваныя выбарчымі камісіямі па выбарах дэпутатаў Палаты Прадстаўнікоў Нацыянальнага сходу Рэспублікі Беларусь шостага склікання (усіх узроўняў) нацыянальнымі назіральнікамі.
У якасці экспертаў "Адкрытага дыялогу” выступяць: першы сакратар Цэнтральнага камітэта грамадскага аб'яднання “Беларускі рэспубліканскі саюз моладзі” Андрэй Белякоў, кіраўнікі Федэрацыі прафсаюзаў Беларусі, Рэспубліканскага грамадскага аб'яднання "Белая Русь", грамадскага аб'яднання "Беларускі саюз жанчын”, Беларускага грамадскага аб'яднання ветэранаў.
Падчас “Адкрытага дыялогу” “Моладзь і выбары: формула адказнасці” будуць закрануты такія пытанні як: "Выбары — асноўны інструмент грамадзянскай супольнасці”, “Значэнне і роля выбараў у гісторыі суверэннай Беларусі”, “Удзел грамадзянскай супольнасці ў выбарчай кампаніі”, “Інстытут абавязковай акрэдытацыі для нацыянальных назіральнікаў на выбарах”і іншыя.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.