Мінскі абласны пленэр па вырабе дэкаратыўных скульптур з каменю праходзіць у горадзе Крупкі з 12 жніўня па 2 верасня.
Прысвечаны ён 90-годдзю з дня нараджэння заслужанага дзеяча мастацтваў Беларусі Барыса Аракчэева (1926—2013).
Мерапрыемства мае на мэце папулярызацыю айчыннага мастацтва скульптуры, павышэнне прафесійнага майстэрства тых, хто стварае культурныя і архітэктурныя каштоўнасці. Акрамя таго, — паказаць грамадскасці дасягненні беларускіх творцаў у гэтай галіне, палепшыць архітэктурную і эстэтычную выразнасць горада.
У пленэры ўдзельнічаюць скульптары, члены Беларускага саюза мастакоў Ігар Засімовіч, Кацярына Зантарыя, Алег Купрыянаў, Аляксандр Сакалоў.
Урачыстае адкрыццё знакавай у жыцці цэнтральнага рэгіёна падзеі адбудзецца 16 жніўня ў Крупскім гісторыка-краязнаўчым музеі з удзелам дачкі Барыса Аракчэева — Аксаны.
Арганізавалі мерапрыемства Мінскі абласны выканаўчы камітэт і Крупскі раённы выканаўчы камітэт.
Таццяна ЛАЗОЎСКАЯ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
