У Магiлёве ўчора прайшла нарада па актуальных пытаннях сацыяльнага развiцця, у якiм прыняла ўдзел намеснiк прэм'ер-мiнiстра Наталля Качанава.
Паводле яе слоў, падробныя мерапрыемствы пройдуць ва ўсiх рэгiёнах краiны.
Як паведамiў карэспандэнт БЕЛТА, у семiнары-нарадзе прынялi ўдзел прадстаўнiкi мiнiстэрстваў адукацыi, аховы здароўя, працы i сацыяльнай абароны, культуры, спорту i турызму, iнфармацыi, намеснiкi старшынь гаррайвыканкамаў па сацыяльных пытаннях, кiруючыя работнiкi аблвыканкама, якiя курыруюць гэты напрамак.
Паводле слоў Наталлi Качанавай, адбыўся цiкавы дыялог, у час якога абмяркоўвалiся актуальныя для ўсёй краiны пытаннi сацыяльнага развiцця ў праламленнi на Магiлёўскую вобласць. Прадстаўнiкi профiльных мiнiстэрстваў далi разгорнутую ацэнку сацыяльнай сферы рэгiёна, абазначыўшы дасягненнi i iснуючыя праблемы. У сваю чаргу прадстаўнiкi выканкамаў задалi пытаннi, асобныя з якiх прадугледжваюць неабходнасць дэталёвага разгляду на рэспублiканскiм узроўнi з прыцягненнем адпаведных структур. Вiцэ-прэм'ер даручыла ўзяць прынцыповыя моманты на кантроль, у абавязковым парадку накiраваць адказы зацiкаўленым.
"Праводзячы семiнар, мы не iмкнулiся даць станоўчую або адмоўную ацэнку рабоце кадраў Магiлёўскай вобласцi – тэзiсна вызначылi асноўныя напрамкi, якiя дапамагаюць рухацца ва ўнiсон з праграмай сацыяльна-эканамiчнага развiцця краiны на блiжэйшыя пяць гадоў", – адзначыла Наталля Качанава. Паводле яе слоў, сацыяльная сфера -- гэта своеасаблiвая лакмусавая папера, што характарызуе настрой жыхароў краiны.
Наталля Качанава лiчыць, што кадравы патэнцыял павiнен грунтавацца на амаладжэннi i моцным рэзерве. "Хтосьцi можа быць толькi добрым выканаўцам, а ў кагосьцi пераважаюць лiдарскiя якасцi. Гэта трэба бачыць, каб правiльна працаваць у прафарыентацыйным напрамку", – лiчыць вiцэ-прэм'ер.
Яна выказала меркаванне аб неабходнасцi ўдасканалення падыходаў да выдачы мэтавага накiравання на навучанне. Пры афармленнi такiх дакументаў у прыярытэце павiнны быць мясцовыя навучальныя ўстановы i замацаванне кадраў у сельскай мясцовасцi. "Атрымлiваючы адукацыю ў Мiнску, маладыя людзi iмкнуцца ўсiмi магчымымi метадамi застацца ў сталiцы, – падкрэслiла Наталля Качанава. – У першую чаргу трэба даваць накiраваннi ў рэгiянальныя ВНУ, арганiзоўваць практыку ў мясцовых арганiзацыях, каб у перспектыве не ўзнiкала праблем з замацаваннем маладых спецыялiстаў у раёнах".
Намеснiк прэм'ер-мiнiстра зрабiла акцэнт на фармiраваннi здаровага ладу жыцця. Гэта работа павiнна быць актывiзавана, асаблiва ў сферы прафiлактыкi. "Праблема алкагалiзму закранае жыццё многiх сем'яў, i яны павiнны ведаць, як папярэдзiць развiццё гэтай хваробы ў блiзкiх людзей, да каго звярнуцца па дапамогу, – адзначыла Наталля Качанава. – Тут важна задзейнiчаць усе магчымыя рэсурсы, у тым лiку грамадскiя i рэлiгiйныя арганiзацыi".
Таксама вiцэ-прэм'ер лiчыць неабходным актывiзаваць работу па заахвочваннi людзей, якiя праявiлi сябе на працоўнай нiве. "Яны – прыклад для астатнiх. Таму мэтазгодна ў кожным раёне стварыць свой банк даных жыхароў рэгiёна, адзначаных узнагародамi", – сказала вiцэ-прэм'ер.
Нагадала Наталля Качанава i аб важнасцi захавання парадку на аб'ектах сацыяльнай сферы: установы адукацыi, аховы здароўя, культуры павiнны выглядаць дастойна, паколькi гэта цэнтры прыцягнення насельнiцтва, асаблiва ў райцэнтрах.
Была звернута ўвага на iндывiдуальны падыход у рабоце са зваротамi грамадзян. Намеснiк прэм'ер-мiнiстра ўпэўнена, што любое пытанне (акрамя тых, якiя датычацца ўнясення паправак у нарматыўныя прававыя акты) можна вырашыць на месцах. На яе думку, тут важна ўзмацнiць дзеяннi на апярэджанне, а таксама палепшыць растлумачальную работу з насельнiцтвам.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.