У краіне ўжо сабрана з 73,6% пасяўных плошчаў збожжа. Па аператыўнай інфармацыі Міністэрства сельскай гаспадаркі і харчавання, аграрыі намалацілі больш за 5,6 млн тон збожжавых і зернебабовых культур пры сярэдняй ураджайнасці 34,5 ц/га.
Як і раней, ва ўборачнай кампаніі лідзіруе Міншчына, дзе ўжо намалацілі больш за 1,5 млн тон. На другім месцы Брэсцкая вобласць, дзе аб'ём убранага збожжа складае 1,07 млн тон. На Брэстчыне ў Столінскім і Бярозаўскім раёнах ужо завяршылі ўборку. Там хлебаробы намалацілі 71,5 і 61 тыс. тон збожжа адпаведна. У найбліжэйшы час завершаць уборку збожжавых сельгаспрадпрыемствы Пружанскага, Іванаўскага, Івацэвіцкага, Ляхавіцкага і Маларыцкага раёнаў. Пры спрыяльных умовах надвор'я да іх неўзабаве далучацца і іншыя раёны. Лідарам вобласці па вале збожжа з'яўляецца Баранавіцкі раён. Там аграрыі сабралі больш за 122 тыс. тон, пры гэтым ім яшчэ трэба будзе ўбраць каля 15% плошчаў.
Тройку лідараў закрываюць аграрыі Гомельшчыны, якія сабралі 966,1 тыс. тон збожжа (там жніво таксама ўжо на фінішнай прамой).
Ілья КРЫЖЭВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
