У Нацыянальны аэрапорт Мiнск з Iталii 1 жнiўня прыбыла праваслаўная святыня — перадплечча святога велiкамучанiка, лекара i цудатворца Панцеляймона.
Як паведамляе карэспандэнт БЕЛТА, упершыню за 350 гадоў каўчэг з мошчамi i святыня пакiнулi месца свайго знаходжання — кафедральны сабор у горадзе Джэрачы (Калабрыя, Iталiя). Усе неабходныя мытныя працэдуры былi праведзены карэктна, без затрымкi часу, адзначылi ў прэс-групе. На выхадзе з зоны мытнага кантролю святыню сустракалi дзясяткi праваслаўных вернiкаў.
Каўчэг дастаўлены ў Свята-Петра-Паўлаўскi кафедральны сабор у Гомелi, дзе i будзе знаходзiцца да 12 жнiўня, а затым зноў адправiцца на гiстарычную радзiму.
Святы Панцеляймон быў замучаны за хрысцiянскую веру ў Нiкамедыi (рэгiён сучаснай Турцыi) у 305 годзе. У Паўднёвай Iталii знаходзяцца некалькi часцiнак мошчаў мучанiка. Ампулы з крывёй святога знаходзяцца ў саборах i цэрквах, размешчаных у розных рэгiёнах Iталii.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.