Вы тут

Арменія: групоўка, якая захапіла будынак ППС, здалася


20.20. Групоўка, якая захапіла паліцэйскі ўчастак у Ерэване, здалася уладам

Аперацыя па вызваленні тэрыторыі палка ППС паліцыі ў Ерэване завершана, паведамляе Служба нацыянальнай бяспекі Арменіі. Удзельнікі ўзброенай групы здаліся ўладам.

"Спецпадраздзяленні праваахоўных органаў сваімі паслядоўнымі і ўзгодненымі дзеяннямі прымусілі членаў ўзброенай групоўкі скласці зброю і здацца ўладам. Затрымана 20 тэрарыстаў. Тэрыторыя палка ППС цалкам вызвалена", - заявілі ў СНБ Арменіі.

Заяву СНБ Арменіі распаўсюдзіла вечарам у нядзелю прэс-служба паліцыі рэспублікі.

"Інтэрфакс"


31.07. 14.20. Апошнія закладнікі пакінулі будынак паліцыі ў Ерэване, які захапілі прадстаўнікі апазіцыйнай арганізацыі «Устаноўчы парламент». З будынка выйшлі доктар Нарайр Тэванян і медсястра Маліна Маргаран.


21.50. Удзельнікі шэсця ў цэнтры Ерэвана перакрылі праспект Баграмяна


Удзельнікі шэсця ў цэнтры Ерэвана, якія выступаюць у падтрымку ўзброенай групы «Сасна Црэр», якая ўтрымлівае ужо на працягу двух тыдняў тэрыторыю палка патрульна-паставой службы паліцыі ў армянскай сталіцы, у цяперашні час перакрылі праспект Баграмяна.
На праспект у спешным парадку сцягваюцца паліцэйскія сілы.

Дэманстранты не пусцілі праехаць як мінімум адзін аўтобус з паліцыянтамі.

Некаторыя з удзельнікаў шэсця пачалі сядзячую акцыю пратэсту. Рух транспарту на праспекце паралізаваны.

На месцы знаходзіцца намеснік начальніка паліцыі Ерэвана Валерый Асіпян, які раней утрымаліваўся ўзброенай групай на тэрыторыі палка ППС.

Паліцыя выставіла перад прысутнымі кардон, а перад ім працягнула калючы дрот. Сітуацыя напружаная.

News.am.


21.20. АБСЕ, СЕ і ЗША занепакоеныя сутыкненнямі ў Ерэване


АБСЕ, Савет Еўропы і ЗША выказалі заклапочанасць прымяненнем сілы армянскай паліцыяй падчас разгону начной дэманстрацыі ля захопленага ўзброенай групай "Сасна црэр" паліцэйскага ўчастка ў Ерэване. Тым часам апазіцыянеры, якія падтрымліваюць "Сасна Црэр", збіраюцца на мітынг у цэнтры горада, нягледзячы на забарону мэрыі.

"З занепакоенасцю сачу за падзеямі, што ў Арменіі - краіне-члене СЕ - падзеямі, дзе ўжо некалькі дзён ўзброеная група трымае закладнікаў у паліцэйскім аддзяленні. Хацеў бы нагадаць, што ў краінах, якія кіруюцца вяршэнствам закона, усе праблемы павінны вырашацца шляхам палітычнага дыялогу, з павагай нормаў і стандартаў дэмакратыі ", - гаворыцца ў заяве генеральнага сакратара Савета Еўропы Т'ёрбарна Ягланда.

Ягланд заклікаў усе бакі канфлікту спыніць "гэтую небяспечную сітуацыю і вярнуцца да ўжывання дэмакратычных сродкаў".

Падобныя заявы зрабілі пасольства ЗША ў Арменіі і мясцовы офіс Арганізацыі па бяспецы і супрацоўніцтве ў Еўропе.

ЗША заклікалі ўлады спрыяць "рэалізацыі права грамадзян Арменіі на свабоду слова і мірныя сходы", а дэманстрантаў - "выказваць стрыманасць, устрымлівацца ад гвалту і пазбягаць актыўных падзей вакол будынка паліцыі ў Эрэбуні".

Кіраўнік ерэванскага прадстаўніцтва АБСЕ заявіў, што "грамадскі парадак павінен быць адноўлены ў адпаведнасці з вяршэнствам закона" і заклікаў "усе зацікаўленыя бакі праявіць максімальную стрыманасць".


19.00. Ерэван: ля захопленага аддзела паліцыі пачалася страляніна, забіты паліцэйскі


У Ерэване ў раёне захопленага 17 ліпеня будынка палка патрульна-паставой службы чутная страляніна. Паведамляецца аб гібелі аднаго паліцэйскага.

Як паведамляюць улады Арменіі, паліцэйскі быў забіты снайперскім агнём.

"Служачы войскаў паліцыі 30-гадовы Юра Тэпанасян быў забіты стрэлам снайпера з тэрыторыі, якая знаходзіцца пад кантролем узброенай групоўкі. Аўтамабіль знаходзіўся на адлегласці каля 400 метраў ад будынка паліцэйскага палка", - паведаміў Інтэрфаксу прэс-сакратар паліцыі Арменіі Ашот Агарунян.

За дзве гадзіны да гэтага скончыўся тэрмін ультыматуму, пастаўленага спецслужбамі ўзброенай групе, якая захапіла будынак.

Паведамляецца, што мэрыя Ерэвана забараніла ўсе публічныя акцыі ў раёне захопленага паліцэйскага ўчастка. У ліку прычын забароны называлі "рэальную пагрозу жыццю людзей".

ВВС


14.30. У Арменіі пасля масавых беспарадкаў арыштаваныя 23 чалавекі


У галоўным упраўленні па асабліва важных справах Следчага камітэта Арменіі распачата крымінальная справа па факце беспарадкаў вечарам 29 ліпеня ў адміністрацыйных раёнах Эрэбуні і Нубарашэн.


ФОТА: www.segodnya.ua

Група асоб 29 ліпеня ў раёне 23.30 у Эрэбуні і Нубарашэне арганізавала масавыя беспарадкі, у выніку якіх ужыла гвалт у дачыненні да паліцэйскіх, якія неслі службу на дадзенай тэрыторыі, што стала пагрозай для грамадскага парадку.

Па падазрэнні ў арганізацыі масавых беспарадкаў і ўдзелу ў іх арыштаваныя 23 чалавекі.

Па папярэдніх дадзеных, у выніку беспарадкаў па медыцынскую дапамогу ў бальніцы звярнуліся 67 чалавек. Вядзецца следства для высвятлення абставінаў атрымання імі цялесных пашкоджанняў.

БЕЛТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».