25 верасня, пятніца

Вы тут

Маладзёжны лагер «Бе-La-Русь» распачынае сваю работу


XXV Міжнародны маладзёжны лагер «Бе-La-Русь» распачынае сёння сваю работу ў Верхнядзвінскім раёне.


— Лагер штогод арганізуецца на стыку межаў трох краін — у раёне Кургана Дружбы. Арганізатары, як і раней: Беларускі рэспубліканскі саюз моладзі, Саюз за прагрэс моладзі Латвіі, Расійскі Саюз Моладзі. На вяршыні кургана расце дуб — як сімвал добрасуседскіх адносін трох нацый. Менавіта таму дубовы ліст — сімвал лагера, — паведамілі «Звяздзе» ў Віцебскім абласным камітэце БРСМ.

Каля 500 хлопцаў і дзяўчат возьмуць удзел у дзясятках мерапрыемстваў. З улікам юбілейнага характару сёлетняга міжнароднага лагера ў праграме з'явіліся навінкі: упершыню адбудзецца спартыўны фестываль «Бе-La-Рускія алімпійскія гульні». Гэта — комплекс камандных і індывідуальных спаборніцтваў: футбол, валейбол, канат, армрэслінг, гіравы спорт.

Не менш насычаная сёлета і культурная праграма: фестывалі «Бе-La-Рускія зоры» і бардаўскай песні, конкурс грацыі і артыстычнага майстэрства «Каралева «Бе-La-Русі», бітва дыджэяў «Залатыя хіты XX стагоддзя» і іншае.

Для пачаткоўцаў лагера будуць працаваць творчыя майстэрні.

Традыцыяй сталі выступленні «зорак». На галоўнай сцэне выступяць удзельнікі «залатога складу» легендарнага вакальна-інструментальнага ансамбля «Песняры».

Закрыецца лагер у нядзелю.

Аляксандр ПУКШАНСКІ

pukshanskі@zvіazda.by

Загаловак у газеце: Моладзь на стыку трох краін

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».