Вы тут

Адбыўся аўтапрабег «Пачатак вайны. Дарогі вайны 1941»


Аўтапрабег «Пачатак вайны. Дарогі вайны 1941» стартаваў са Смаленска на досвітку ў пятніцу 15 ліпеня і завяршыўся праз дзень у Рудні. Патрыятычная акцыя была арганізавана беларускім зямляцтвам у Смаленску. Пра гэта паведамляе партал Федэральнай нацыянальна-культурнай аўтаноміі беларусаў Расіі belros.org.


Маршрут аўтапрабегу пралягаў праз Віцебскую і Мінскую вобласці Беларусі. Ключавымі кропкамі маршруту на тэрыторыі нашай краіны сталі Орша, Мінск, Глыбокае, Полацк і Віцебск. Наведванне кожнага пункту маршруту суправаджалася патрыятычнымі акцыямі. Кіроўцы ўскладалі кветкі, вянкі да магіл воінаў, наведвалі музеяў, якія захоўваюць памяць аб удзеле Беларусі ў Вялікай Айчыннай вайне. Удзельнікаў аўтапрабегу сустракалі прадстаўнікі мясцовых органаў улады, грамадскіх арганізацый.

У Віцебску ўдзельнікі наведалі мемарыяльны комплекс у гонар савецкіх воінаў-вызваліцеляў, партызан і падпольшчыкаў.

- Зямляцтва было створана ў гэтым годзе, і гэта першае буйное мерапрыемства, - распавёў яго старшыня Сяргей Крыўко. - Ужо з назвы - «Дарогі 1941 года» - зразумела, што прысвечана яно падзеям Вялікай Айчыннай вайны, якія аб'ядноўваюць брацкія народы Расіі і Беларусі. Гэта свайго роду даніна памяці героям, дзякуючы якім мы святкуем Дзень Перамогі. Мы не выпадкова ўзялі з сабой дзяцей. Для іх гэта важны ўрок мужнасці і магчымасць даведацца бліжэй нашу агульную гісторыю.

Завяршыўся аўтапрабег на смаленскай зямлі ускладаннем кветак да помніка «Кацюшы» ў Рудні.

 

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».