Пра гэта заявіў прэм'ер-міністр Біналі Йылдырым, паведамляюць турэцкія СМІ.
Кіраўнік кабінета міністраў адзначыў, што "прэзідэнцкай гвардыі больш не будзе. У нас няма ні такой мэты, ні неабходнасці". Паводле апошніх звестак, у сувязі са спробай перавароту былі затрыманыя каля 300 байцоў прэзідэнцкай гвардыі, а ўсяго колькасць затрыманых пасля спробы звяржэння законнай улады складае больш за 13 тыс. чалавек, сярод якіх каля 1300 паліцэйскіх, амаль 9000 салдат, 2100 суддзяў і 689 пракурораў, паведаміў турэцкі прэм'ер-міністр. Напярэдадні было абвешчана, што турэцкія ўлады вызвалілі з-пад варты больш за 1000 радавых вайскоўцаў, у дачыненні да якіх падазрэнні ў датычнасці да перавароту не пацвердзіліся.
Спроба дзяржаўнага перавароту ў Турцыі была прадпрынятая ў ноч на 16 ліпеня, аднак уладам удалося падавіць выступу вайскоўцаў. Паводле апошніх звестак, загінулі 246 чалавек, не лічачы путчыстаў, 2185 чалавек атрымалі раненні. Парламент Турцыі 21 ліпеня прагаласаваў у падтрымку мандата ўрада на ўвядзенне ў краіне рэжыму надзвычайнага становішча тэрмінам на тры месяцы.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
