Рыцарскі фестываль, фестываль прыродных узораў у Батанічным садзе, спектакль «Паўлінка» і выстава фатаграфій пра балет – афіша «Звязды» з 22 па 28 ліпеня.
Дзе: Мінская гарадская ратуша
Калі: 23 ліпеня, 20:00
Колькі каштуе: бясплатна
У гэты вечар каля Мінскай ратушы будуць гучаць бессмяротныя творы А. Вівальдзі, І. С. Баха, Г. Ф. Гендэля, Г. П. Тэлемана ў выкананні малых ансамбляў і аркестравага састава «Камерныя салісты Мінска» пад кіраўніцтвам маэстра Дзмітрыя Зубава (Расія).
У канцэрце таксама прымуць удзел вядомыя расійскія музыканты, якія граюць на майстравых барочных інструментах, а таксама салісты Вялікага тэатра Беларусі – Юрый Гарадзецкі, Наталля Акініна, Маргарыта Ляўчук. Салісты з Расіі: Руст Пазюмскі, Яўген Свірыдаў, Канстанцін Якаўлеў.
Дзе: Музейны комплекс «Дудуткі» (Мінская вобласць)
Калі: 23 і 24 ліпеня
Колькі каштуе: 23 ліпеня – 25 руб., 24 ліпеня – 20 руб.; дзеці – 10 руб.; два дні – 38 руб.
Цэнтральнае мерапрыемства фестывалю «Наш Грунвальд» – рэканструкцыя бітвы, якая адбылася 15 ліпеня 1410 года каля мястэчка Грунвальд паміж войскамі Тэўтонскага Ордэна і саюзнікамі: Вялікім Княствам Літоўскім і Каралеўствам Польскім.
Акрамя гістарычнай рэканструкцыі, гасцей фестывалю чакае музычны open-air (на сцэну падымуцца выканаўцы folk, folk- rock, rock і metal-музыкі), кірмаш, майстар-класы па сярэднявечных танцах і вогненнае шоу.
Дзе: Цэнтральны батанічны сад НАН Беларусі (пл. Калініна)
Калі: 24 ліпеня, 10:00
Колькі каштуе: 6 руб.; школьнікі, студэнты, пенсіянеры – 3 руб.
24 ліпеня ў Цэнтральным Батанічным садзе горада Мінска ўпершыню ў Беларусі пройдзе летні фестываль прыродных узораў (мандал).
Каманды фларыстаў, дызайнераў, мастакоў, студэнтаў ВНУ будуць працаваць над стварэннем сваіх унікальных і непаўторных узораў з прыродных матэрыялаў. Удзельнікі будуць выкарыстоўваць жывыя кветкі, лісце, кару, мох, пясок, камяні, галінкі і іншыя прыродныя матэрыялы.
Гасцей фестывалю чакае насычаная праграма, цікавая як для дзяцей, так і для дарослых.
У фінале глядацкім галасаваннем будуць абраныя лепшыя работы, а пераможцам і ўдзельнікам уручаны памятныя сертыфікаты і прызы ад арганізатараў фестывалю. Афіцыйная цырымонія падвядзення вынікаў і ўзнагароджання пераможцаў адбудзецца ў 17:00. Усе работы застануцца на тэрыторыі Батанічнага саду і яшчэ доўгі час будуць радаваць наведвальнікаў.
Дзе: Нацыянальны акадэмічны тэатр імя Янкі Купалы (ул. Энгельса, 7)
Калі: 28 ліпеня, 19:00
Колькі каштуе: ад 20 руб.
Гэты спектакль першым мог бы патрапіць у кнігу тэатральных рэкордаў: нідзе ў свеце пастаноўка не жыве на адной сцэне амаль 70 год. Па ім можна ствараць асобны слоўнік крылатых выразаў ці пісаць падручнік па акцёрскім майстэрстве.
Прэм'ера спектакля ў пастаноўцы заслужанага дзеяча мастацтваў БССР Льва Літвінава адбылася ў 1943 годзе.
Дзе: Нацыянальны цэнтр сучасных мастацтваў Рэспублікі Беларусь (вул. Някрасава, 3)
Калі: па 30 ліпеня
Колькі каштуе: удакладняць у касе
14 ліпеня ў Нацыянальным цэнтры сучасных мастацтваў Рэспублікі Беларусь адбылося адкрыццё персанальнай выставы Ганны Мурайды «Хваля».
Выстава складаецца з некалькіх серый, аб'яднаных агульнай тэмай і прыёмам. Калажы з паперы, фатаграфій і знойдзеных старых здымкаў абыгрываюць тэму руху: плыні, змены, ператварэння.
Фатаграфіі з паездак змяшаныя са здымкамі, зробленымі ў Мінску і выстаўляюцца ў маленькім пакоі экспазіцыі як цэльны аб'ект. Уносячы змены ў гэтыя здымкі, Ганна Мурайда адлюстроўвае ўкараненне чалавека ў прыроду.
Дзе: Кніжна-выставачная прастора «Кніжная Шафа» (пр-т Дзяржынскага, 9)
Калі: па 13 жніўня, нядзеля – выходны
Колькі каштуе: бясплатна
Кніжна-выставачная прастора «Кніжная Шафа» прадстаўляе выставу фатаграфіі «Балет. Пачатак» маладога фатографа Вольгі Мароз.
На фатаграфіях адлюстраваны вучні беларускага харэаграфічнага каледжа на ўроках, падчас паўзы, у момант адпачынку, перад выхадам на сцэну. Вользе атрымалася паказаць моманты, якія схаваныя ад гледача: рэпетыцыі ў балетных класах, закуліссе – асноўныя тэмы яе работ.
Вольга Мароз – малады таленавіты фатограф, пераможца міжнародных конкурсаў, працавала над экспазіцыяй выставы «Балет. Пачатак» каля 3 гадоў. За гэты час сабрана шмат цікавага матэрыялу, з якога ўтварылася некалькі асобных фатаграфічных серый. Адну з іх можна будзе ўбачыць на выставе.
Дзе: Плошча Свабоды
Калі: па 30 верасня
Колькі каштуе: бясплатна
«Свабодны музей: гарадскія легенды» – праект пра людзей, якія жылі і працавалі ў Мінску, пакінуўшы ў яго гісторыі яркі след. Гаворка ідзе пра герояў нашага часу, чыімі дасягненнямі можна і трэба ганарыцца. У фокусе – навукоўцы, спартсмены, вынаходнікі і прадстаўнікі творчай інтэлігенцыі: мастакі, літаратары, кампазітары, кінематаграфісты, артысты і іншыя легендарныя, але не вядомыя шырокай аўдыторыі гараджане.
Усяго на плошчы Свабоды размешчана 20 копій шэдэўраў партрэтнага жывапісу з фондасховішча Нацыянальнага мастацкага музея. Кожны партрэт суправодзіць аповяд пра выяўленага на ім чалавека.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
