Вы тут

Уладзімір Андрэйчанка сустрэўся з Кім Ёнг Хо


Беларусь надае вялікае значэнне сяброўскім і ўзаемавыгадным адносінам з Рэспублікай Карэя, адзначыў старшыня Палаты прадстаўнікоў Нацыянальнага сходу Беларусі Уладзімір Андрэйчанка падчас сустрэчы з Надзвычайным і Паўнамоцным Паслом Рэспублікі Карэя ў Беларусі Кім Ёнг Хо.


Старшыня Палаты прадстаўнікоў таксама падкрэсліў, што вялікую ролю ў эфектыўным узаемадзеянні можа выканаць парламенцкая дыпламатыя і асабісты дыялог паміж кіраўнікамі парламентаў. Гэта дазволіць вырашаць прыярытэтныя задачы, да якіх магчыма аднесці развіццё гандлёва-эканамічнага, культурнага ўзаемадзеяння, супрацоўніцтва ў галіне адукацыі і навукі.

«Асаблівае месца займае кааперацыя ў сферы інфармацыйных тэхналогій і вытворчасці высокатэхналагічных тавараў, у чым Карэя з'яўляецца лідарам», — адзначыў Уладзімір Андрэйчанка.

Спікер таксама лічыць, што важнае значэнне ў наладжванні міжпарламенцкіх адносін і развіцці сувязяў маюць групы дружбы ў парламентах краін. Ён нагадаў, што ў Беларусі такая група працуе, і выказаў надзею, што ў хуткім часе аналагічная будзе сфарміравана ў нядаўна выбраным парламенце Карэі. Акрамя таго, ён падкрэсліў, што для далейшай эфектыўнай сумеснай працы ў двух бакоў ёсць усе падставы і створана адпаведная нарматыўна-прававая база.

Кім Ёнг Хо ў сваю чаргу падкрэсліў, што Беларусь і Карэя маюць вялікую колькасць высокакваліфікаваных спецыялістаў у сферы інфармацыйных тэхналогій, і ў гэтым ён бачыць патэнцыял для супрацоўніцтва і прыцягнення карэйскіх інвестыцый у нашу краіну.

«Рэспубліка Карэя паспяхова вырабляе саму тэхніку, а Беларусь можа распрацоўваць праграмнае забеспячэнне да яе», — сказаў Кім Ёнг Хо.

Ілья КРЫЖЭВІЧ

krуzhеvісh@zvіаzdа.bу

Загаловак у газеце: Высокатэхналагічная цікавасць

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».