Анекдоты
З размовы з аператарам службы падтрымкі мабільнай сувязі:
— Прабачце, да мяне чамусьці не даходзяць паведамленні…
— Засяродзьцеся і ўважліва пачытайце іх яшчэ раз.
* * *
— Мілы, падары мне кацяня! Я яго буду любіць, лашчыць, цалаваць, купаць, у ложак з сабой браць...
— Мяў!..
* * *
Заходзячы ў інтэрнэт на пяць хвілін, памятайце: каструля пачынае смажыць пасля таго, як заканчвае варыць.
* * *
Мужчына заходзіць у краму і пытаецца:
— Скажыце, ці прадаюцца ў вас баксёрскія пальчаткі?
— Не.
— А шапачка для плавання?
— Таксама не.
— А канькі?
— Мужчына, гэта вінна-гарэлачны аддзел…
— Тады мне бутэлечку беленькай.
Прадавец ідзе па гарэлку. Мужчына задумліва, сабе пад нос:
— Ну, бачыць Божанька, хацеў спортам заняцца!
* * *
На дзявятым месяцы цяжарнасці папрасіла мужа пафарбаваць пазногці на нагах. Доўга бурчэў, аднекваўся, маўляў, не мужчынская гэта справа. Я пакрыўдзілася, пайшла мыцца. Выходжу з ваннай і бачу: сядзіць, фарбуе свае пазногці і бубніць:
— Што вам, цяжарным, толькі ў галаву не цюкне!
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.