Вы тут

Чаму лісты на памідорах пачалі згортвацца?


Прычын згортвання лісця ў таматаў вельмі шмат. Але па яго характары можна дакладна адгадаць, чым мы не дагадзілі расадзе.


Згортваюцца дагары «лодачкай»

Тут усяго два вінаватыя:

1. Бульбяная тля, якая сядзіць на сцёблах і, нягледзячы на дробныя памеры, скручвае лістоту дагары. Справіцца з ёй не складана — апырскайце памідоры любым прэпаратам ад каларадскага жука, і яна загіне. Толькі не трэба злоўжываць апырскваннем. Лісце не расправіцца і мушка працягне сядзець, проста яна ўжо высахла. А вось новая лістота пойдзе расці ўжо нармальнай.

2. Другі «шкоднік» — надвор'е. Памідоры — расліны ўмеранага клімату, ім проціпаказаныя занадта халодныя ночы і занадта гарачыя дні. Калі днём тэмпература падымаецца вышэй +35 °С, то лісце згортваецца ў «лодачку». Пагаршае «хваробу» недахоп вільгаці — глеба трэскаецца і рве карані. Таму, апроч скручвання, могуць праявіцца і прыкметы недахопу мікраэлементаў. Замульчыруйце глебу саломай або шалупіннем, лісце апырскайце навасілам з дабаўленнем мікраэлементаў.

Скручваюцца ўніз

Гэта больш небяспечна. Магчыма, гэта першы сімптом бактэрыяльнага раку. Калі ніжнія лісты скручваюцца, бурэюць і потым засыхаюць — гэта дакладна ён. Не ўпэўненыя ў дыягназе — зрэжце адно са сцёблаў. На зрэзе будзе відаць бурае колца. Гэта сасуды, «забітыя» бактэрыяльным ракам. Такія расліны трэба выдаляць.

Аднак калі колца няма, то не спяшайцеся палоць памідорную дзялянку. Закручвае лісце памідораў дадолу яшчэ і недахоп фосфару, бору і іншых мікраэлементаў. Тут можна спрабаваць вызначыць, які элемент у дэфіцыце, а можна проста прайсціся па ўсіх, падкарміць расліны комплекснымі ўгнаеннямі з мікраэлементамі.

Не хапіла мелу або перабралі з марганцам

Дагары згортвае лісце і недахоп кальцыю. Яго нескладана выявіць: адначасова адміраюць пункты росту і на плодзе з'яўляецца вяршынная гніль. Хваробу лёгка перамагчы, падкарміўшы пасадкі кальцыевай салетрай.

Іншая справа — марганец. Часам для падкормкі агароднікі выкарыстоўваюць занадта вялікія дазіроўкі — па 1 чайнай лыжцы на вядро вады. У выніку лісце згортваецца ад лішку марганца. Хоць «згортваецца» — гучна сказана. Маладая лістота моршчыцца, становіцца «пажаванай». Аптымальны варыянт — дабавіць марганцу на кончыку нажа ў вядро вады.

Завіўка каліем

Недахоп калію на многіх культурах выяўляецца ў выглядзе ўсыхання краёў у лістоты. На памідорах краі лісця «завіваюцца». Пасля на старых лістах развіваецца некроз. Самыя дробныя жылкі бляднеюць, а бакі лісця бурэюць.

Ірына Тамковіч

Загаловак у газеце: Калі лісты на памідорах пачалі згортвацца

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.