Паводле слоў дэпутата Палаты прадстаўнікоў, кіраўніка групы дружбы «Японія — Беларусь» парламента Японіі Гэньіціра Сата, Японія спадзяецца на развіццё супрацоўніцтва з нашай краінай у сферы інфармацыйных тэхналогій.
«Наколькі мне вядома, Прэзідэнт і ўрад Беларусі прыкладаюць вялікія намаганні для развіцця ў гэтай галіне. Мы спадзяёмся на далейшае супрацоўніцтва і на прыход японскіх інвестараў у вашу краіну», — адзначыў Гэньіціра Сата.
Ён таксама падкрэсліў, што ў Беларусі эфектыўна працуе шэраг вядомых японскіх кампаній і парламентарыі зацікаўлены ў павелічэнні іх колькасці для ўзаемавыгаднай кааперацыі.
Акрамя таго, падчас сустрэчы японскай дэлегацыі з намеснікам старшыні Палаты прадстаўнікоў Нацыянальнага сходу Беларусі Віктарам Гумінскім бакі абмеркавалі пытанні міжпарламенцкага супрацоўніцтва, узаемадзеяння на міжнароднай арэне. Асаблівую ўвагу парламентарыі ўдзялілі абмеркаванню кааперацыі ў гуманітарнай сферы і абмену інфармацыяй у галіне ядзернай бяспекі і ліквідацыі наступстваў трагедый на Чарнобыльскай АЭС і Фукусіме-1.
«Падзеі пяцігадовай даўнасці, звязаныя з аварыяй на станцыі Фукусіма-1, — гэта трагедыя, якая збліжае нашы народы для таго, каб мы рабілі ўсё магчымае для прадухілення яе наступстваў і не дапускалі падобнага ў будучыні», — падкрэсліў Віктар Гумінскі.
Гэньіціра Сата ў сваю чаргу адзначыў, што чакаецца прыезд групы дзяцей з прэфектуры Фукусіма ў Беларусь і падзякаваў прадстаўнікам нашай краіны за такую магчымасць.
Ілья КРЫЖЭВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
