Першую тысячу тон збожжа на Гомельшчыне (18.07) намалаціў экіпаж камбайнераў агракамбіната «Холмеч» з Рэчыцкага раёна. За чатыры дні ўборачнай Іван Вырвіч і Алег Хвост выдалі з бункера свайго камбайна 1381 тону збожжа. Найлепшых непасрэдна на полі ўшанавалі ганаровымі дыпломамі і падарункамі.
Механізатары некалькі гадоў запар дасягалі высокіх паказчыкаў, але такога — упершыню. Акрамя таго, два кіроўцы агракамбіната — Віктар Кардаш і Уладзімір Трубіла — першымі ў вобласці з пачатку ўборкі перавезлі на аўтамабілях больш за тысячу тон збожжа. Спецыялісты падкрэсліваюць, што ўвогуле гаспадарка, у якой яны працуюць, мае добрыя паказчыкі ўраджайнасці збожжавых. З кожнага гектара тут збіраюць па 53,7 ц.
Усяго збожжавыя і зернебабовыя ў Гомельскай вобласці ўбраны на чвэрці плошчаў. На палетках адначасова задзейнічана амаль 1200 збожжаўборачных камбайнаў. Па тэмпах уборкі лідзіруюць Рэчыцкі, Хойніцкі і Мазырскі раёны.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
