На тэлеканале «Беларусь 3» адбыліся здымкі прэм'ерных відэакліпаў — пераможцаў рэспубліканскага конкурсу «Новыя імёны Беларусі — 2015», які штогод арганізуе Федэрацыя прафсаюзаў Беларусі. Іх першыя паказы ў эфіры сацыякультурнага канала распачнуцца ўжо ў гэтую нядзелю.
У здымках прынялі ўдзел лаўрэаты леташняга конкурсу Кірыл Арцёменка з песняй «Каля саду», Мікалай Гамераў з песняй «Зязюленька», Вольга Любавіна з песняй «Зязюля», Вольга Новікава з песняй «Пойдзем, дзеўкі» і Руслан Рагалевіч з песняй «Шлі салдацікі дадому». Пераможцы конкурсу выконвалі беларускія народныя песні ў сучасных арыгінальных аранжыроўках.
Прэм'еры відэакліпаў можна будзе ўбачыць у эфіры тэлеканала «Беларусь 3» кожную нядзелю, пачынаючы з 17 ліпеня, адразу пасля праграмы «Калейдаскоп», а ўвосень за гэтыя песні ўсе жадаючыя змогуць галасаваць у «Нацыянальным хіт-парадзе».
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.