Спектакль па аповесці Святланы Алексіевіч, выстава графічнага дызайну, эка-маркет і Мінск на малюнках 1940-1950-х гг. – афіша «Звязды» з 24 па 30 чэрвеня.
Дзе: Рэспубліканскі тэатр беларускай драматургіі (вул. Крапоткіна, 44)
Калі: 28 чэрвеня, 19:00
Колькі каштуе: ад 80 000 руб.
«Чарнобыльская малітва» – адзіны на постсавецкай прасторы спектакль пра чарнобыльскую трагедыю па матывах аповесці Святланы Алексіевіч.
У пастаноўцы гучаць беларускія народныя песні ў выкананні заслужанай артысткі Рэспублікі Беларусь Таццяны Мархель, якія яна запісала ад сваёй маці Веры Кірылаўны ў вёсцы Шпакоўшчына Смалявіцкага раёна.
Дзе: Камарова-village (в. Ураджайная)
Калі: 25 чэрвеня, 14:00-06:00; 26 чэрвеня, 12:00-24:00
Колькі каштуе: ад 170 000 руб., дзеці да 5 гадоў – бясплатна
У гэтыя выхадныя адбудзецца восьмы міжнародны музычны фэст «Купальскае Кола-2016», у рамках якога гасцей і ўдзельнікаў будзе чакаць маса забаў, рэканструкцыя святкавання Купалля, а таксама маштабная канцэртная праграма.
У фестывалі прымуць удзел больш за 20 калектываў, сярод якіх: Стары Ольса, Znich, Gods Tower, Omut, Trollwald, Гарынь, Рутвіца (Беларусь), Тролль гнет ель (Расія), Трынаццаты Бубен, Nokturnal Mortum (Украіна) і іншыя.
Дзе: парк культуры і адпачынку імя Чалюскінцаў (пр-т Незалежнасці, 84/1)
Калі: 25-26 чэрвеня, 10:00
Колькі каштуе: бясплатна
25-26 чэрвеня ў Мінску пройдзе чарговы эка-маркет «Пастарнак», прысвечаны экалогіі і здароваму ладу жыцця.
Кожны з удзельнікаў зможа расслабіцца ў цені дрэў, пацягваючы натуральны смузі пад лёгкую музыку, паспрабаваць нешта смачнае і карыснае, пагуляць у цікавыя гульні ўсёй сям'ёй, паспрабаваць арганічную і вегетарыянскую прадукцыю, пракансультавацца ў спецыялістаў па здароўі і прыгажосці, паўдзельнічаць у экалагічных акцыях і карысных майстар-класах.
Дзе: Мінская гарадская ратуша
Калі: 25 чэрвеня, 20:00
Колькі каштуе: бясплатна
Гэтая субота – апошняя магчымасць у чэрвені паслухаць джаз пад адкрытым небам.
Для вас выступяць вакалістка з Румыніі Elena Mindru, джазавы аркестр Veneto з Італіі і Anatoly Taran trio з Беларусі.
Дзе: Нацыянальны гістарычны музей Рэспублікі Беларусь (вул. К. Маркса, 12)
Калі: па 30 чэрвеня з 11:00 да 19:00
Колькі каштуе: удакладняць у касе
22 чэрвеня ў Нацыянальным гістарычным музеі Рэспублікі Беларусь адбылася прэзентацыя выставы фотаработ Льва Дашкевіча «Святло і цень» і яе ўрачыстая перадача ў фонды музея.
Фатаграфіі былі рэканструяваныя. Унікальную працу па аднаўленні фатаграфічнай спадчыны майстра выканаў ізраільскі фатограф, спецыяліст у галіне хімічных ды іншых узнаўляльных тэхнік Барыс Равіч.
Дзе: Палац мастацтваў (вул. Казлова, 3)
Калі: па 3 ліпеня з 11:00 да 19:00, акрамя панядзелка
Колькі каштуе: удакладняць у касе
15 чэрвеня адбылося адкрыццё выставы секцыі графічнага дызайну беларускага саюза мастакоў «ІДЭЯ!».
Выставачныя аб'екты ўяўляюць розныя жанры графічнага дызайну. Гэта плакат, распрацоўка фірмовага графічнага стылю, знаку, лагатыпу, а таксама дызайн-арт і іншыя. Значная частка экспазіцыі – гэта творы, якія працягваюць і развіваюць традыцыі нацыянальнага графічнага дызайну, традыцыі заснавальнікаў авангарду 20-х гадоў.
Пэўная колькасць работ прысвечана 30-й гадавіне Чарнобыльскай трагедыі і 5-й гадавіне аварыі на Фукусіме.
Дзе: Камсамольскае возера (пр-т Пераможцаў)
Калі: па 31 жніўня
Колькі каштуе: бясплатна
«АРТ-выспы» стануць самай маштабнай у Беларусі выставай інсталяцый пад адкрытым небам: у цэнтры Мінска ўсталююць 15 гіганцкіх арт-аб'ектаў.
Шматметровыя прасторавыя аб'екты распрацаваны вядомымі мастакамі, якія збяруць іх на месцы з розных матэрыялаў – ад дрэва да пластыка і металу. Некаторыя інсталяцыі будуць дасягаць у вышыню пяць і больш метраў.
Кожная работа мае філасофскі падтэкст. Яна прымушае задумацца пра сэнс жыцця і месца чалавека на планеце.
Дзе: Гарадская мастацкая галерэя Л. Шчамялёва (вул. Рэвалюцыйная, 10)
Калі: па 11 верасня, сер. – нядз.: з 11:00 да 19:00
Колькі каштуе: удакладняць у касе
На выставе прадстаўлены работы з фондавых калекцый Музея гісторыі горада Мінска, Беларускага дзяржаўнага архіва навукова-тэхнічнай дакументацыі, архіва сям'і народнага архітэктара СССР У. А. Караля.
Адкрыццё выставы прымеркавана да Дня Незалежнасці Рэспублікі Беларусь.
Мерапрыемства праводзіцца на добраахвотнай аснове.
Не выявіць ні секунды абыякавасці.