Наступствы ўрагана, які пранёсся над Уздзенскім раёнам ў мінулую пятніцу, жыхары вёскі Целякава ліквідуюць дагэтуль.
Найбольшы ўрон шалёны ветравал прычыніў вясковым могілкам. Пад напорам ветру векавыя хвоі ўпалі на магілы, паламалі агароджы і помнікі. Вось што кажа сведка здарэння, 79-гадовая Марыя Філіманюк: “Бура пачалася перад ноччу, прыблізна ў дзевяць гадзін вечара. Пацямнела неба, раптоўна наляцеў моцны вецер, з дрэваў зрывала галіны, з дахаў ляцеў шыфер. 200-гадовы дуб, які рос каля майго дома, у адно імгненне трэснуў і палова яго ўпала на мой агарод, побач з домам. Потым пайшоў буйны град. Калі ўсё сціхла, люді сталі выходзіць на вуліцу і ўбачылі жудасны малюнак на могілках”.
Вяскоўцы прыгадваюць, што ў іх ад убачанага быў шок. У наступныя дні – суботу і нядзелю, не чакаючы падмогі, целякоўцы прыйшлі на могілкі, сталі разглабаць завалы, пілаваць зваленыя дрэвы. Ліквідацыя наступстваў стыхіі будзе працягвацца не адзін дзень. 25-гадовы вясковец Іван Каваленка са сваёй маці Тамарай (на фота) кожны дзень прыходзяць на магілы сваіх спачылых продкаў, каб навесці належны парадак.
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
