Купальская ноч у музеі Янкі Купалы, квэст у Нясвіжскім палацы, п'есы Шэкспіра ў кіно і выстава на Камсамольскім возеры – афіша «Звязды» з 20 па 26 чэрвеня.
Дзе: Дзяржаўны літаратурны музей Янкі Купалы (вул. Я. Купалы, 4)
Калі: 21 чэрвеня, 19:00
Колькі каштуе: бясплатна
Дзяржаўны літаратурны музей Янкі Купалы запрашае ўсіх на Купальскую ноч, якая адбудзецца напярэдадні дня нараджэння песняра.
Адкрыецца свята інтэрактыўнай гульнёй-віктарынай «У пошуках папараць-кветкі». Каманды з дапамогай даведніка будуць шукаць музейныя прадметы ў сучасных экспазіцыйных залах.
У парку імя Янкі Купалы ля ганку музея разгорнецца «Купальская містэрыя» ў выкананні гурта «Талака».
Удзельнікаў свята чакаюць майстар-класы па пляценні купальскіх вянкоў і старадаўніх песнях і танцах.
Дзе: г. Нясвіж, вул. Ленінская, 19
Калі: 22 чэрвеня, 16:00
Колькі каштуе: 285 000 руб.
Квэст «Таямніцы і загадкі Палаца Радзівілаў» – гэта ўнікальная магчымасць самастойна пабываць у закрытых для турыстаў месцах комплексу і пазнаёміцца з гісторыяй палаца і княскага роду ў гульнявой тэатралізаванай форме.
У пачатку гульні ўдзельнікаў чакае сустрэча з князем Антоніем Вільгельмам. Ваша задача – дапамагчы князю вырашыць задачы і знайсці адказы на пытанні, прайсці на новыя ўзроўні гульні, разгадаць таямніцы і загадкі.
Квэст прадугледжвае ўдзел асобных каманд з колькасцю гульцоў ад 1 да 7 чалавек. Гульня разлічана на адначасовы ўдзел ад 20 да 80 чалавек.
Продаж квіткоў на мерапрыемства спыняецца ў 15:30.
Дзе: кінатэатр «Цэнтральны»
Калі: 22 чэрвеня, 20:30
Колькі каштуе: ад 140 000 руб.
Дзякуючы праекту Theatre HD пастаноўкі лепшых заходніх тэатраў можна ўбачыць у любой кропке свету. Усё, што для гэтага трэба, – квіток у кіно.
Адзіны ў сваім родзе канцэрт-прысвячэнне прымеркаваны да 400-й гадавіны з дня смерці Уільяма Шэкспіра. У пастаноўцы прадстаўлены ўрыўкі з п'ес паэта і драматурга.
Зорны склад: Бенедыкт Камбербэтч, Джудзі Дэнч, Хэлен Мірэн, Ен Маккэлен, Дэвід Сушэ, Дэвід Тэнант, Кэтрын Тэйт, Роджэр Алам, Сайман Расэл Біл, Джозэф Файнс, Эн-Мэры Даф, Джон Літгоу, Энтані Шэр і іншыя.
Паказ у запісе, на англійскай мове з рускімі субтытрамі. Працягласць – 2 гадзіны 30 хвілін.
Дзе: Камарова-village (в. Ураджайная)
Калі: 25 чэрвеня, 14:00-06:00; 26 чэрвеня, 12:00-24:00
Колькі каштуе: ад 170 000 руб., дзеці да 5 гадоў – бясплатна
У гэтыя выхадныя адбудзецца восьмы міжнародны музычны фэст «Купальскае Кола-2016», у рамках якога гасцей і ўдзельнікаў будзе чакаць маса забаў, рэканструкцыя святкавання Купалля, а таксама маштабная канцэртная праграма.
У фестывалі прымуць удзел больш за 20 калектываў, сярод якіх: Стары Ольса, Znich, Gods Tower, Omut, Trollwald, Гарынь, Рутвіца (Беларусь), Тролль гнет ель (Расія), Трынаццаты Бубен, Nokturnal Mortum (Украіна) і іншыя.
Дзе: парк культуры і адпачынку імя Чалюскінцаў (пр-т Незалежнасці, 84/1)
Калі: 25-26 чэрвеня, 10:00
Колькі каштуе: бясплатна
25-26 чэрвеня ў Мінску пройдзе чарговы эка-маркет «Пастарнак», прысвечаны экалогіі і здароваму ладу жыцця.
Кожны з удзельнікаў зможа расслабіцца ў цені дрэў, пацягваючы натуральны смузі пад лёгкую музыку, паспрабаваць нешта смачнае і карыснае, пагуляць у цікавыя гульні ўсёй сям'ёй, паспрабаваць арганічную і вегетарыянскую прадукцыю, пракансультавацца ў спецыялістаў па здароўі і прыгажосці, паўдзельнічаць у экалагічных акцыях і карысных майстар-класах.
Дзе: Мінская гарадская ратуша
Калі: 25 чэрвеня, 20:00
Колькі каштуе: бясплатна
Гэтая субота – апошняя магчымасць у чэрвені паслухаць джаз пад адкрытым небам.
Для вас выступяць вакалістка з Румыніі Elena Mindru, джазавы аркестр Veneto з Італіі і Anatoly Taran trio з Беларусі.
Дзе: Камсамольскае возера (пр-т Пераможцаў)
Калі: па 31 жніўня
Колькі каштуе: бясплатна
«АРТ-выспы» стануць самай маштабнай у Беларусі выставай інсталяцый пад адкрытым небам: у цэнтры Мінска ўсталююць 15 гіганцкіх арт-аб'ектаў.
Шматметровыя прасторавыя аб'екты распрацаваны вядомымі мастакамі, якія збяруць іх на месцы з розных матэрыялаў – ад дрэва да пластыка і металу. Некаторыя інсталяцыі будуць дасягаць у вышыню пяць і больш метраў.
Кожная работа мае філасофскі падтэкст. Яна прымушае задумацца пра сэнс жыцця і месца чалавека на планеце.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.