Конкурс прыгажосці «Міс Наваполацк — 2016» дасць старт святочным мерапрыемствам, прысвечаным Дню горада.
— Феерыю жаночай прыгажосці можна будзе ўбачыць вечарам 7 чэрвеня ў Цэнтры культуры. Дзяўчатам даецца шанц прадэманстраваць не толькі прыгажосць, але і заявіць пра сябе як пра асобу. Членамі журы будуць ацэньвацца інтэлект, пластыка рухаў, акцёрскае майстэрства... Прайшоўшы складаны шлях, паўдзельнічаўшы ў кастынгах, у фінале прымуць удзел 15 дзяўчат, — паведамілі «Звяздзе» ў Наваполацкім гарвыканкаме.
Акрамя вартай тытула першай прыгажуні, судзі вызначаць пераможцаў у розных намінацыях. Сярод іх: «Міс зачараванне», «Міс топ-мадэль», «Мі с глядацкіх сімпатый», «Міс дружба» і іншыя.
Арганізатары падкрэсліваюць, што за гады існавання конкурсу (цяперашні пройдзе ўжо сёмы раз) дзяўчаты не раз выходзілі ў фінал прэстыжнага шоу «Міс Беларусь». І там годна прадстаўлялі горад нафтаперапрацоўшчыкаў.
У якасці вядучага конкурснай праграмы заяўлены Аляксей Грос, тэлевядучы, таленавіты артыст эстрады. Будуць і спецыяльна запрошаныя «зорныя» госці, пераможцы розных праектаў і фэстаў.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.