Вы тут

У Гродне паказалі "Белыя Росы" з тыфлакаментарыямі


Паказ усенародна любімай кінастужкі, знятай у горадзе над Нёманам, адбыўся ў кінатэатры «Чырвоная зорка» ў рамках акцыі «Свет без межаў», якую Гродзенская абласная арганізацыя грамадскага аб'яднання «Беларускае таварыства інвалідаў па зроку» арганізавала сумесна з аблкінавідэапракатам. Гледачоў было каля 130 чалавек — члены БелТІЗ і сацыяльныя работнікі, якія з імі працуюць.


Тыфлакаментарый — гэта закадравы тэкст для прагляду фільма невідушчымі і слабавідушчымі людзьмі. Дыктар агучвае ключавыя дзеянні, якія адбываюцца на экране, а таксама знешні выгляд герояў фільма, месца падзей і іншыя важныя візуальныя дэталі. Тыфлакаментарыі для «Белых росаў» напісала бібліятэкар Гродзенскай спецыяльнай бібліятэкі для сляпых і слабавідушчых Раіса ЛАНЕЎСКАЯ.

— Уражанні пасля прагляду фільма вельмі добрыя і ў мяне, і ў іншых членаў нашай арганізацыі. Тыфлакаментарыі зроблены так, што яны не перашкаджаюць асноўнаму тэксту. Больш за тое, акцэнты расстаўлены ў тых месцах, на якія асабіста я, калі раней глядзела гэты фільм, асаблівай увагі і не звяртала, — кажа старшыня Гродзенскай абласной арганізацыі грамадскага аб'яднання «Беларускае таварыства інвалідаў па зроку» Ірына НОВІКАВА.

Дарэчы, версія «Белых росаў» з тыфлакаментарыямі маецца ва ўсіх абласных арганізацыях БелТІЗ, а значыць, прагляд фільма на шырокім экране магчымы і ў іншых рэгіёнах.

Падчас акцыі «Свет без межаў» у кінатэатры «Чырвоная зорка» таксама арганізавалі выставу творчых работ інвалідаў па зроку з Гродзеншчыны і прэзентавалі сродкі рэабілітацыі для невідушчых і слабавідушчых людзей, сярод якіх вызначальнік колеру, агучаныя спартыўныя мячы, вагі з моўным выхадам і многае іншае.

prakopchіk@zvіazda.by

Загаловак у газеце: Пачуць... «Белыя росы»

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.