Намеснік старшыні Палаты прадстаўнікоў Нацыянальнага сходу Віктар Гумінскі прымае ўдзел ва ўрачыстых мерапрыемствах, прымеркаваных да 25-годдзя незалежнасці Грузіі. Як паведамляе прэс-служба ніжняй палаты, у рамках праграмы візіту ў Тбілісі адбылася двухбаковая сустрэча віцэ-спікера Палаты прадстаўнікоў са старшынёй парламента Грузіі Давідам Усупашвілі.
Падчас сустрэчы Віктар Гумінскі адзначыў, што сумеснымі намаганнямі беларускія і грузінскія парламентарыі «могуць аказаць значнае садзейнічанне пашырэнню двухбаковых гандлёва-эканамічных, інвестыцыйных, навукова-тэхнічных і культурных сувязяў». Як гаворыцца ў прэс-паведамленні, бакі сышліся на тым, што неабходна, каб парламентарыі дзвюх краін больш актыўна садзейнічалі рэалізацыі дамоўленасцяў, дасягнутых падчас абмену візітамі на найвышэйшым і высокім узроўнях.
Віктар Гумінскі таксама сустрэўся і з кіраўніком парламенцкай групы дружбы «Грузія — Рэспубліка Беларусь» Аляксандрам Кантарыем. «Намеснік старшыні Палаты прадстаўнікоў выказаў задавальненне дыялогам паміж групамі дружбы, а таксама падкрэсліў, што практыка правядзення рэгулярных сустрэч на ўзроўні парламенцкіх груп стварае дадатковыя ўмовы для развіцця ўсяго комплексу двухбаковых адносін паміж Беларуссю і Грузіяй», — паведамляе прэс-служба Палаты прадстаўнікоў.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.