21 верасня, панядзелак

Вы тут

Раім схадзіць


Ёга ў парку, ноч музеяў у замку Радзівілаў, а таксама адказ на пытанне «Як спланаваць адпачынак мары» – афіша «Звязды» на выхадныя дні.


Фестываль «ColorFest»

Фота: БЕЛТА

У суботу тысячы людзей зноў збяруцца ў парку Dreamland, каб стаць часткай штогадовага Фестывалю Фарбаў ColorFest.

На час фестывалю тэрыторыя Dreamland стане яркай танцавальнай музычнай пляцоўкай, дзе будуць гучаць хіты айчыннай і замежнай музыкі.

На тэрыторыі фестывалю будзе арганізавана спартыўная зона і зона адпачынку. Таксама трэба сказаць, што арганізатары рыхтуюць сюрпрызы для ўсіх удзельнікаў ColorFest!


Фестываль вулічнай музыкі «Месца пад сонцам» 

Фота: tut.by

14 мая ў Мінску пройдзе другі фестываль вулічнай музыкі «Месца пад сонцам».

Больш за 30 выканаўцаў будуць іграць для вас на працягу ўсяго дня з 13:00 да 22:00.

Падрабязнасці і поўны расклад можна знайсці тут.


Ноч музеяў у замку Радзівілаў

Фота: nesvizh-zapovednik.by

У гэтую суботу ўсіх аматараў гісторыі і квэстаў запрашаюць прыняць удзел у інтэрактыўным лабірынце: «Легенды мінулага – захавальнікі будучыні».

Гасцей палаца чакае сустрэча з некалькімі пакаленнямі ўладальнікаў Нясвіжа, а таксама займальныя прыгоды, новыя адкрыцці і хвалюючая атмасфера палацавых інтрыг.

Інтэрактыўны лабірынт пачнецца ва ўнутраным дворыку. Ён адкрые новыя, незвычайныя віды з валаў старога замка і пройдзе па раней недаступных тунэлях.

Гістарычную аўру палаца будуць падтрымліваць артысты і салісты Музычнага дома «Класіка», народнага тэатра гістарычнага касцюма, школа ірландскага танца «Глорыя» і іншыя. У канцы лабірынта ўсіх чакае баль.


Sunday Yoga

Фота: vk.com

Sunday Yoga – гэта бясплатныя заняткі ёгай у парках Мінска. Мерапрыемства плануецца праводзіцца кожную нядзелю. Першае, дарэчы, ужо адбылося 8 мая, сабраўшы дзясяткі прыхільнікаў здаровага ладу жыцця.

Мэта праекта – пазнаёміць усіх жадаючых з фізічнай практыкай ёгі і падарыць прыемнае баўленне часу. Заняткі дапамогуць аднавіць сілу, прыгажосць і здароўе цела.

  • заняткі падыходзяць для любога ўзроўню
  • пры сабе мець кілімок для ёгі
  • форма адзення спартыўная

Падрабязную інфармацыю і расклад можна знайсці тут і тут, а таксама на сайце kateatakyoga.com.


Фестываль мабільнасці «Самаход-2016: даведайся формулу займальнага падарожжа!»

Фота: vk.com

15 мая ў рамках Фестывалю мабільнасці «Самаход-2016: даведайся формулу займальнага падарожжа!» эксперты ў розных галінах падарожжаў падзеляцца сакрэтамі, як спланаваць адпачынак у адпаведнасці са сваімі захапленнямі, хобі, жыццёвымі прыхільнасцямі і даўнімі марамі.

Уваход на мерапрыемства бясплатны. Чай, кава, пячэнькі - за кошт арганізатараў.

Падрабязней тут.


World Press Photo 2016

Фота: huhmagazine.co.uk

Выстава World Press Photo праходзіць у Мінску трэці раз. Але ўпершыню ў «вялікім фармаце» – фотаздымкі размешчаны на выставачных стэндах і займаюць палову ангару ЦЭХу.  

World Press Photo – гэта незалежная, некамерцыйная арганізацыя, штаб-кватэра якой знаходзіцца ў Амстэрдаме (Нідэрланды). Заснавана ў 1955 г., займаецца правядзеннем найбуйнейшай і самай прэстыжнай штогадовай прэміі ў галіне фотажурналістыкі.

У гэтым годзе на конкурс World Press Photo быў дасланы 82 951 фотаздымак ад 5775 фатографаў са 128 краін. Журы прысудзіла прызы ў васьмі намінацыях 41 фатографу з 21 краіны.

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.