Найбольш запатрабаваным сярод пажылых людзей застаецца абслугоўванне на даму. У першым квартале гэтага года «пад крылом» сацыяльных работнікаў былі 2 тысячы 133 ветэраны. 46 ветэранаў атрымлівалі паслугі сядзелкі.
Тым, хто мае патрэбу ў пастаянным староннім доглядзе, прапануюць пасяліцца ў стацыянарных установах. На сёння ў дамах-інтэрнатах пражывае 125 ветэранаў і 126 грамадзян, якія пацярпелі ад наступстваў вайны. Намеснік міністра працы і сацыяльнай абароны Аляксандр Румак адзначыў, што чэргаў у дамы-інтэрнаты агульнага тыпу цяпер няма. Для засялення дастаткова сабраць толькі неабходныя дакументы.
Усяго ў рэспубліцы пражывае 13,7 тысячы ветэранаў, з іх 9 тысяч — інваліды і ўдзельнікі вайны. Самаму маладому ўдзельніку Вялікай Айчыннай — 91 год. У жывых засталіся два Героі Савецкага Саюза. Колькасць грамадзян, што пацярпелі ад наступстваў вайны, — 23,8 тысячы чалавек.
Аляксандр РУМАК таксама сказаў, што сярэдняя пенсія інваліда вайны перавышае 5 мільёнаў.
Ветэранам вайны ўстаноўлены надбаўкі ў памеры ад 50 да 500 працэнтаў мінімальнай пенсіі па ўзросце. Максімальная даплата — 2 мільёны 124 тысячы. Апроч гэтага, пажылыя людзі атрымліваюць і ўзроставыя бонусы. Для тых, хто дасягнуў 80 гадоў, гэта павышэнне ў памеры мінімальнай пенсіі — амаль 425 тысяч рублёў. Таксама грамадзянам, старэйшым за 80 гадоў, належыць надбаўка на догляд (яе сума цяпер складае 212 тысяч).
— Летась, калі адзначаўся юбілей Перамогі, дзяржавай былі зроблены істотныя выплаты ветэранам. Тады аднаразовую матэрыяльную дапамогу атрымалі 44,3 тысячы чалавек. Агульная сума склала 205,5 мільярда рублёў. У гэтым годзе такія выплаты не прадугледжваюцца, — адзначыў Аляксандр Румак. — Але ветэраны атрымліваюць матэрыяльную дапамогу з іншых крыніц. Напрыклад, са сродкаў Фонду сацыяльнай абароны. Таксама, згодна з сёлетнім указам Прэзідэнта №78, абласныя і раённыя Саветы дэпутатаў маюць права аказаць сацыяльную падтрымку за кошт мясцовых бюджэтаў. І кожны рэгіён з улікам сваіх магчымасцяў такія выплаты праводзіць.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
