Прэзідэнт Аляксандр Лукашэнка прыняў з дакладам старшыню Вярхоўнага Суда Валянціна Сукалу.
На сустрэчы абмеркаваны шэраг пытанняў функцыянавання аб'яднанай судовай сістэмы. У прыватнасці, размова ішла аб змяненні дыслакацыі штатнай колькасці суддзяў за кошт унутраных рэзерваў судовай сістэмы. Было даложана, што цяпер нагрузка ў эканамічных судах значна ўзрасла і стала вышэйшай, чым у судах агульнай юрысдыкцыі. У сувязі з гэтым прапанавана частку суддзяў агульнай юрысдыкцыі перавесці ў эканамічныя суды. Паколькі гэтае пытанне знаходзіцца ў кампетэнцыі Прэзідэнта, то ён даручыў падрыхтаваць адпаведны нарматыўны акт па змяненні дыслакацыі штатнай колькасці суддзяў.
Акрамя таго, разглядалася пытанне ўзвядзення новага будынка Вярхоўнага Суда, яго фінансавання і падрыхтоўкі праектна-каштарыснай дакументацыі з пункту гледжання мінімізацыі расходаў на праект і ўзвядзенне будынка.
На сустрэчы таксама абмяркоўвалася тэма якасці папярэдняга расследавання па некаторых канкрэтных крымінальных справах, што знаходзяцца на кантролі Прэзідэнта.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.