Вы тут

У горадзе Даўгаўпiлс чалавек трапiў у палон да бабра


У латвiйскiм горадзе Даўгаўпiлс бабёр напаў на чалавека, а затым зрабiў яго сваiм палонным, паведамляе «Грани.lv». Калi пацярпелы па iменi Сяргей паспрабаваў па тэлефоне выклiкаць ратавальнiкаў, спецыялiсты не паверылi яго словам i паклалi трубку.


Як расказаў латвiец, ён вяртаўся дадому ў гадзiну ночы пасля вечара, праведзенага з сябрамi, калi ўбачыў, што на яго бяжыць бабёр. Жывёла дагнала яго i ўпiлася ў левую нагу. Нягледзячы на супрацiўленне, мужчына быў павалены на асфальт. «Калi я ляжаў, ён адпускаў нагу i проста сядзеў побач са мной. Але варта мне было паспрабаваць падняцца, як ён зноў угрызаўся мне ў нагу», — гаворыць жыхар Даўгаўпiлса.

Зразумеўшы, што з жывёлай у адзiночку яму не справiцца, Сяргей паспрабаваў выклiкаць ратавальнiкаў, але не быў успрыняты iмi сур'ёзна. Пасля гэтага ён вырашыў патэлефанаваць сябру, якi таксама не адразу зразумеў, што гiсторыя з бабром не з'яўляецца жартам. Разам з прыяцелем пацярпелага на месца здарэння прыбылi работнiкi палiцыi, якiя яго спынiлi за перавышэнне хуткасцi i таксама не паверылi ў аповед пра нападзенне.

Пацярпелага адвезлi ў бальнiцу, дзе яму зашылi рану. Мужчына пакуль не можа наступаць на нагу. Яму таксама прызначылi курс уколаў, паколькi бабёр мог з'яўляцца пераносчыкам шэрагу iнфекцыйных захворванняў.

Каментуючы здарэнне, дырэктар латгальскага заасада, бiёлаг Мiхаiл Пупiньш патлумачыў, што ў сярэднестатыстычнага чалавека шмат стэрэатыпаў у дачыненнi да баброў. «У многiх у галаве вобраз прыязнай мiлай жывёлы з рэкламы зубной пасты. Бабёр — гэта небяспечны звер масай да 40 кiлаграмаў са сваiмi «поглядамi на жыццё», якi не любiць, калi яго чапаюць, i ўжо тым больш, калi паўстаюць у яго на шляху. Яго зубы — гэта два нажы. Бабёр можа папросту забiць чалавека, i такiя выпадкi ўжо бывалi», — кажа эксперт.

Загаловак у газеце: Трапiў у палон... да бабра

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.