Вы тут

Фізіка — з сёмага класа


Міністэрствам адукацыі зацверджаны новы тыпавы вучэбны план для сістэмы агульнай сярэдняй адукацыі на 2016/2017 навучальны год.


Як патлумачыла прэс-сакратар Міністэрства адукацыі Юлія БАРАДУН, у сувязі з пераходам на адносную завершанасць ІІ ступені агульнай сярэдняй адукацыі і ўвядзеннем на ІІІ ступені школы профільнага навучання, тыпавы вучэбны план зацвярджаецца цяпер кожны год на адзін навучальны год.

Профільнае навучанне ў Х-ХІ класах прадугледжвае вывучэнне асобных прадметаў на павышаным узроўні. У сувязі з гэтым у тыпавым вучэбным плане для навучэнцаў ХІ класаў (гэтак жа, як у бягучым навучальным годзе для вучняў Х класаў) прадугледжана розная колькасць гадзін для вывучэння прадметаў на базавым і павышаным узроўнях.

У краіне зараз праходзіць паэтапны пераход на абноўленыя навучальныя праграмы па прадметах «Беларуская мова» і «Беларуская літаратура», «Руская мова» і «Руская літаратура». Яны прадугледжваюць паступовае ўвядзенне аднолькавай колькасці гадзін на гэтыя прадметы ва ўсіх школах, гімназіях і ліцэях. У гэтай сувязі з наступнага навучальнага года будзе ўстаноўлена роўная колькасць гадзін на вывучэнне вышэйзгаданых прадметаў у другіх класах.

У 2016/2017 навучальным годзе для навучэнцаў ІІ і VІ класаў будзе ўведзены прадмет «Асновы бяспекі жыццядзейнасці». А з пераліку прадметаў для вучняў VІ класаў быў выключаны вучэбны прадмет «Фізіка» (вывучаць яе школьнікі будуць цяпер толькі з VІІ класа).

З 2015/2016 навучальнага года распачалося выкладанне вучэбнага прадмета «Мастацтва (айчынная і сусветная мастацкая культура)» у пятых класах. Тыпавым вучэбным планам на 2016/2017 навучальны год прадугледжана далейшае вывучэнне гэтага вучэбнага прадмета школьнікамі ўжо ў шостых класах.

Абноўленая праграма прадугледжвае ў VІ класе дзве гадзіны на прадмет «Працоўнае навучанне». У 2015/2016 навучальным годзе на адточванне працоўных навыкаў школьнікамі адводзілася адна гадзіна.

nіkalaeva@zvіazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.