Рэспубліканскае грамадскае аб'яднанне «Беларуская асацыяцыя клубаў ЮНЕСКА» запрашае падлеткаў і маладых людзей ва ўзросце ад 11 да 19 гадоў прыняць удзел у бясплатным дыстанцыйным электронным навучальным курсе «Школа блогера. Дайджэст для тынэйджараў».
Задача праекта — заахвоціць маладых людзей здымаць цікавае відэа пра сябе, свой лад жыцця, а таксама пра актуальныя пытанні з жыцця грамадства.
Курс разлічаны на маладых людзей, якія толькі плануюць здымаць відэаролікі ці ўжо робяць першыя крокі ў гэтым кірунку. Навучанне будзе адбывацца ў інтэрнэце дыстанцыйна з 16 мая па 19 чэрвеня.
Ад удзельнікаў праекта патрабуецца заходзіць на партал дыстанцыйнага навучання Беларускай асацыяцыі клубаў ЮНЕСКА ў зручны для іх час, каб вывучыць прадстаўленыя там матэрыялы і выканаць практычныя заданні. Формула навучання — 25% тэорыі і 75% практыкі.
На працягу праекта неабходна будзе зняць як мінімум два ролікі: адзін — у працэсе навучання, а другі — у якасці выніковай работы.
Пасля заканчэння вучобы пройдзе конкурс на найлепшае відэа, удзельнікі якога атрымаюць дыпломы і падарункі ад Дзіцячага фонду ААН (ЮНІСЕФ). Таксама самыя актыўныя падлеткі будуць запрошаны для доўгатэрміновага супрацоўніцтва з відэаканалам All Teens Can («Усе падлеткі могуць»).
Каб запісацца на міжнародны дыстанцыйны электронны курс, трэба пакінуць заяўку на партале дыстанцыйнага навучання РГА «БелАЮ» да 15 мая.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
