Як паведамілі ва УДАІ ГУУС Мінгарвыканкама, каля 10.50 экіпаж ДПС, рухаючыся па праспекце Машэрава з боку вуліцы Чырвонай у напрамку праспекта Незалежнасці, звярнуў увагу на матацыкліста, які рухаўся з парушэннямі правілаў дарожнага руху, а на транспартным сродку адсутнічаў рэгістрацыйны нумарны знак. Пры спыненні плыні транспарту на скрыжаванні з праспектам Незалежнасці на забаронны сігнал святлафора дзяржаўтаінспектары прынялі рашэнне затрымаць матацыкліста для разбору.
Супрацоўнік ДАІ падышоў да кіроўцы, прадставіўся і запатрабаваў дакументы. Аднак матацыкліст гэтае патрабаванне праігнараваў і паспрабаваў з'ехаць. Пры гэтым здзейсніў наезд на інспектара ДАІ, а затым сутыкнуўся з іншым транспартным сродкам. Кіроўцам матацыкла «Сузукі» быў 31-гадовы ўраджэнец Жлобіна, які раней 52 разы прыцягваўся да адміністрацыйнай адказнасці за парушэнне правілаў дарожнага руху, а таксама неаднаразова пазбаўляўся пасведчання кіроўцы за парушэнне хуткасных рэжымаў руху.
Што ж насамрэч адбылося на скрыжаванні, будзе высвятляць Следчы камітэт, у якім вывучаюць запісы з месца здарэння. Што датычыцца пацярпелага інспектара, паведамлялася, што стан яго застаецца цяжкім...
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.