Вы тут

Алімпіядны рух: 600 тысяч удзельнікаў


Спецыяльны прыз міністра адукацыі атрымалі 17 пераможцаў рэспубліканскіх прадметных алімпіяд. У краіне на мінулым тыдні завяршыўся інтэлектуальны марафон.


Усяго ў заключным этапе рэспубліканскай алімпіяды па вучэбных прадметах прынялі ўдзел амаль 1,5 тысячы навучэнцаў з усіх рэгіёнаў Беларусі. А ва ўсіх турах прадметных алімпіяд — ад школьнага да рэспубліканскага — свае веды па 17 вучэбных прадметах прадэманстравалі каля 600 тысяч юнакоў і дзяўчат з устаноў агульнай сярэдняй, прафесійна-тэхнічнай і сярэдняй спецыяльнай адукацыі. Рэспубліканскі тур алімпіяды прымалі Дзяржынск (руская мова і літаратура), Полацк (беларуская мова і літаратура), Гродна (гісторыя, грамадазнаўства), Барысаў (геаграфія), Віцебск (англійская, нямецкая, французская, іспанская, кітайская мовы), Гомель (матэматыка, фізіка, астраномія), Мінск (біялогія, хімія), Магілёў (інфарматыка) і Жодзіна (працоўнае навучанне).

— У пастаяннай падрыхтоўцы вучняў да алімпіяд самага рознага маштабу — ад школьных да рэспубліканскіх і міжнародных — задзейнічаны найлепшыя педагогі школ, ВНУ і сярэдніх спецыяльных навучальных устаноў нашай краіны. Але галоўнае, на што нацэлены інтэлектуальныя спаборніцтвы, іх асноўная, глыбінная мэта — гэта павышэнне цікавасці вучняў да прадметаў, якія вывучаюцца, развіццё іх творчых здольнасцяў, паглыбленне тэарэтычных ведаў і практычных уменняў, — падкрэслівае міністр адукацыі Міхаіл Жураўкоў.

Пераможцы рэспубліканскага тура алімпіяды па традыцыі ўзнагароджваюцца дыпломам І, ІІ і ІІІ ступені і прызамі міністра адукацыі. Пры паступленні на адпаведныя спецыяльнасці ў ВНУ яны залічваюцца без уступных іспытаў. Пераможцаў заключнага этапу алімпіяды, а таксама педагогаў, якія іх падрыхтавалі, прадставяць да заахвочвання прэміямі спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў.

Да таго ж гэтым летам пераможцы заключнага рэспубліканскага тура будуць абараняць гонар беларускай школы на міжнародных спаборніцтвах.

nіkalaeva@zvіazda.by

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.