31 сакавіка ў Маскве прайшла міжведамасная навукова-гістарычная канферэнцыя. Яна была прысвечана 30-годдзю з дня катастрофы на атамнай электрастанцыі ў Чарнобылі. Аб гэтым паведамляе сайт Федэральнай нацыянальна-культурнай аўтаноміі беларусаў (www.belros.org).
Прадстаўнікі розных арганізацый Расіі, у тым ліку Федэральнай службы бяспекі, Дзяржаўнай карпарацыі "Расатам", Федэральнай нацыянальна-культурнай аўтаноміі беларусаў абмеркавалі подзвіг асабістага складу Узброеных Сіл у ліквідацыі наступстваў катастрофы на атамнай электрастанцыі, прааналізавалі магчымыя шляхі пазбягання аварый, падобных Чарнобыльскай. Асобнай тэмай было вылучана прыцягненне ўвагі грамадскасці да медычных і сацыяльных праблем, з якімі сутыкаюцца ліквідатары наступстваў катастрофы на Чарнобыльскай АЭС і іншых радыяцыйных аварый.
У апошні час атамныя электрастанцыі сталі прыцягваць да сябе ўвагу міжнародных тэрарыстычных груповак. Згадаць хаця б нядаўні выпадак у Бельгіі, калі пасля тэрактаў у аэрапорце і на станцыі метро было знойдзена цела ахоўніка АЭС, а пропуск яго быў скрадзены. Таму на канферэнцыі тэма супрацьстаяння магчымым рызыкам ядзернага тэрарызму і ўжывання тэхнагеннай зброі, калі міру на Зямлі пагражаюць шматлікія тэрарыстычныя выклікі, гучала вельмі выразна.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
