Вы тут

Новы профіль «прыкладная матэматыка» адкрываецца ў Ліцэі БДУ


Новы профіль «прыкладная матэматыка» з вывучэннем матэматыкі і інфарматыкі на павышаным узроўні адкрываецца з гэтага года ў Ліцэі БДУ.


Ва ўсім свеце сёння імкліва развіваецца вытворчасць праграмнага забеспячэння і навукаёмістых тэхналогій, што патрабуе наяўнасці кваліфікаваных кадраў: спецыялістаў па інфармацыйных тэхналогіях, праграмаванні і абароне інфармацыі. Педагогі Ліцэя БДУ таксама адзначаюць актыўны інтарэс вучняў да інфармацыйных тэхналогій і факультатыўных заняткаў па інфарматыцы. Штогод ліцэісты паспяхова выступаюць у розных рэспубліканскіх і міжнародных алімпіядах па гэтым профілі. Акрамя таго, многія выпускнікі Ліцэя БДУ ў далейшым паступаюць на факультэт прыкладной матэматыкі і інфарматыкі ўніверсітэта.

У 2016-2017 навучальным годзе ў Ліцэі БДУ плануецца адкрыць адзін клас па прыкладной матэматыцы. Школьнікам, якія пажадаюць вучыцца па гэтым профілі, трэба будзе здаць уступныя экзамены па матэматыцы і інфарматыцы.

Такім чынам, навучанне ў Ліцэі БДУ будзе ажыццяўляцца ўжо па сямі профілях: фізічным, матэматычным, прыкладной матэматыцы, хіміка-біялагічным, хіміка-матэматычным, філалагічным і гісторыка-грамадазнаўчым.

Яшчэ адной навіной уступнай кампаніі 2016 года стане з'яўленне на афіцыйным сайце Ліцэя БДУ «Асабістага кабінета абітурыента». Зарэгістраваўшыся на гэтым электронным рэсурсе, можна будзе даведацца пра час і месца правядзення экзаменаў, вынікі іспытаў і прахадныя балы.

Прыём дакументаў ад ахвотных стаць ліцэістамі будзе весціся да 6 мая па адрасе: Мінск, вул. Ульянаўская, 8 з панядзелка па пятніцу з 9.00 да 17.00 і па суботах з 9.00 да 14.00.

Рэпетыцыйныя выпрабаванні пройдуць на серверы дыстанцыйнага навучання Ліцэя БДУ httр://е-lусеum.bу з 1 па 5 мая. А ўступныя экзамены запланаваны на 15, 22 і 28 мая.

Без экзаменаў у Ліцэй БДУ паступаюць прызёры заключнага этапу рэспубліканскіх прадметных алімпіяд. Дарэчы, сёлета на Рэспубліканскай алімпіядзе па вучэбных прадметах ліцэісты заваявалі 67 дыпломаў: 23 дыпломы першай ступені, 16 — другой і 28 — трэцяй. А ў 2015 годзе кожны дзявяты абітурыент у краіне, які набраў 100 балаў на цэнтралізаваным тэсціраванні, скончыў Ліцэй БДУ.

nіkаlаеvа@zvіаzdа.bу

Загаловак у газеце: Матэматыка + інфарматыка

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.