21 верасня, панядзелак

Вы тут

Штотыднёвы спартыўны агляд «Звязды»


Вікторыя Азаранка трэці раз у кар'еры выйграла тэнісны турнір у Маямі, футбольны чэмпіянат краіны стартаваў на мінулых выхадных, а хакейны сезон скончыўся перамогай мінскага «Юнацтва». Актуальныя спартыўныя навіны — у штотыднёвым аглядзе «Звязды».


1. Вікторыя Азаранка стала пераможцай турніру катэгорыі «Прэм'ер» у амерыканскім Маямі. У фінальным паядынку яна была мацнейшай за расіянку Святлану Кузняцову — 6:3, 6:2.

Гэта трэці ў сезоне і другі запар пераможны турнір для Вікторыі — у студзені яна выйграла спаборніцтвы ў аўстралійскім Брысбене, а два тыдні таму перамагла ў Індыян-Уэлсе.

Прэзідэнт Беларусі і прэзідэнт Нацыянальнага алімпійскага камітэта Аляксандр Лукашэнка павіншаваў Вікторыю Азаранку з заваяваннем тытула чэмпіёнкі Mіаmі Ореn 2016 года. «Твая надзвычай яркая гульня на найлепшых кортах планеты, перамогі над самымі моцнымі тэнісісткамі свету прыносяць шмат радасці ў кожны беларускі дом, пачуццё гонару за сваю краіну і яе выдатных прадстаўнікоў», — гаворыцца ў віншаванні. Аляксандр Лукашэнка падзякаваў Вікторыі Азаранцы за мэтанакіраванасць і неверагодную волю да перамогі, якая плавіць стальныя нервы саперніц і разбурае іх непрыступныя бастыёны. Прэзідэнт пажадаў спартсменцы моцнага здароўя і новых перамог.

2. На выхадных стартаваў 26-ты чэмпіянат Беларусі па футболе. Найбольш вынікова яго пачаў чэмпіён краіны барысаўскі БАТЭ, які разграміў у гасцях брэсцкае «Дынама» (4:1). Футбалісты мінскага «Дынама» перамаглі жодзінскі «Тарпеда-БелАЗ» — 2:0. Салігорскі «Шахцёр» сустрэўся з адным з дэбютантаў элітнага дывізіёна «Гарадзеяй» і атрымаў перамогу 1:0. Яшчэ два пачаткоўцы вышэйшай лігі правялі свае стартавыя сустрэчы на выездзе і набралі першыя балы. Футбалісты «Іслачы» перайгралі наваполацкі «Нафтан» — 2:0, а мінскія «Крумкачы» ў Бабруйску згулялі ўнічыю з «Белшынай» — 1:1. У Мазыры «Славія» згуляла ўнічыю са «Слуцкам» — 1:1. Такі ж вынік у матчы гродзенскага «Нёмана» і мікашэвіцкага «Граніта». Футбалісты «Мінска» ўзялі верх над гасцямі з «Віцебска» — 1:0.

3. Беларускія спартсмены заваявалі 10 узнагарод на чэмпіянаце Еўропы па скачках на батуце. Уладальнікам двух залатых медалёў стаў Уладзіслаў Ганчароў. Ён перамог у індывідуальных скачках і ў пары з Мікалаем Казаковым выйграў спаборніцтвы ў сінхронных скачках. Мужчынская зборная краіны стала сярэбраным прызёрам у камандным турніры, саступіўшы толькі расійскім батутыстам. У спаборніцтвах жанчын беларуска Ганна Гарчанок заваявала серабро ў індывідуальных скачках. Таксама ўзнагароды рознай вартасці заваявалі беларусы на юніёрскім турніры.

4. Хакейная каманда Прэзідэнта краіны выйшла ў фінал ІХ рэспубліканскіх спаборніцтваў сярод аматараў на прызы Прэзідэнцкага спартыўнага клуба. У паўфінальным паядынку на лёдзе «Чыжоўка-Арэны» дружына кіраўніка дзяржавы сустракалася з хакеістамі Брэсцкай вобласці і перамагла — 6:3. У другім паўфінале каманда Гомельскай вобласці ў Жлобіне з «сухім» лікам 2:0 нанесла паражэнне хакеістам Мінскага рэгіёна.

Такім чынам, у фінальнай серыі за першае месца (да дзвюх перамог) згуляюць каманды Прэзідэнта і Гомельскай вобласці. Першая сустрэча адбудзецца 9 красавіка, другая — 16-га, і трэцяя, калі спатрэбіцца, — 17 красавіка. За бронзавыя медалі 9 красавіка паспрачаюцца хакеісты Брэсцкага і Мінскага рэгіёнаў.

5. Сталічнае «Юнацтва» сёмы раз у сваёй гісторыі выйграла чэмпіянат Беларусі па хакеі ў экстралізе. У вырашальным пятым матчы мінчане аказаліся мацнейшымі за хакеістаў «Шахцёра» — 4:3.

lobazhevich@zviazda.by

Загаловак у газеце: Яна вярнулася з перамогамі

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.