21 верасня, панядзелак

Вы тут

У Гомельскай вобласцi пачалі сяўбу раннiх яравых збожжавых культур


Гаспадаркi ўсiх раёнаў Гомельскай вобласцi прыступiлi да сяўбы раннiх яравых збожжавых культур. Комплекс захадаў, якi дазваляе забяспечыць правядзенне веснавых палявых работ у цэлым па вобласцi, прыняты, у гаспадарках масава вядуцца падрыхтоўчыя работы. Аднак пры гэтым супрацоўнiкi Камiтэта дзяржаўнага кантролю Гомельскай вобласцi выявiлi шэраг праблем у асобных сельскагаспадарчых арганiзацыях.


Практычна палова насення зернебабовых культур, нарыхтаванага ў гаспадарках да сяўбы-2016, мае нiзкую рэпрадукцыю, якая не дазваляе атрымлiваць высокiя ўраджаi культур. Пры гэтым у арганiзацыях Акцябрскага, Ельскага i Петрыкаўскага раёнаў на момант праверкi ўвогуле не было насення зернебабовых. Аналагiчная сiтуацыя i па насеннi шматгадовых траў. Па iх найбольш нiзкая забяспечанасць у сельгасарганiзацыях Нараўлянскага, Брагiнскага i Акцябрскага раёнаў.

Менш за чвэрць ад неабходнага назапашана мiнеральных угнаенняў. Да таго ж у шэрагу раёнаў вобласцi i асобных гаспадарках ёсць цяжкасцi з падрыхтоўкай сельскагаспадарчай тэхнiкi да сяўбы. I хоць па аператыўнай справаздачнасцi гатоўнасць машынна-трактарнага парка ў вобласцi складае прыкладна 90%, вынiкi кантрольных мерапрыемстваў сведчаць, што не ўсе гаспадаркi арганiзавалi на належным узроўнi работу па падрыхтоўцы сельгастэхнiкi. Сур'ёзныя недахопы выяўлены ў Добрушскiм, Лоеўскiм i Акцябрскiм раёнах. Напрыклад, у ААТ «Чырвоная Буда» Добрушскага раёна з пяцi энерганасычаных трактароў адзiн не адрамантаваны, а два знаходзяцца ў рамонтнай арганiзацыi, бо няма сродкаў на аплату кошту рамонту.

У КСУП «Страдубка» Лоеўскага раёна з чатырох энерганасычаных трактароў рамонт патрабуецца двум. Аналагiчныя факты нiзкай гатоўнасцi сельскагаспадарчай тэхнiкi выяўлены ў КСУП «Бывалькi» i «Ураджайны» Лоеўскага раёна, ААТ «Парэчча-Арэса» Акцябрскага раёна.

Мiж тым, як адзначаюць спецыялiсты дзяржкантролю, недастатковая работа па забеспячэннi насеннем, мiнеральнымi ўгнаеннямi i падрыхтоўцы сельгастэхнiкi можа негатыўна паўплываць на якасць сяўбы. Праблема разгледжана калегiяй камiтэта з удзелам службовых асоб аблвыканкама i райвыканкамаў, а таксама кiраўнiкоў арганiзацый. Размова iшла аб актывiзацыi ўсiх службаў, каб забяспечыць правядзенне сяўбы ў аптымальныя агратэхнiчныя тэрмiны. Таксама звернута ўвага на неабходнасць узмацнення персанальнай адказнасцi службовых асоб за падрыхтоўку i правядзенне веснавых палявых работ.

iost@zviazda.by

Загаловак у газеце: Нiзкая гатоўнасць

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.