Вы тут

Як забяспечыць грамадскім транспартам маланаселеныя вёскі?


 Усяго ў Віцебскім раёне каля 340 населеных пунктаў. У 57 вёсках пражываюць ад 20 да 50 чалавек. Ёсць 26 вёсак, дзе жывуць па некалькі чалавек.

У Віцебскім раёне маюць намер вырашыць транспартную і іншыя праблемы дзякуючы рэалізацыі ініцыятывы «Еўрарэгіён Прыдзвінне — тэрыторыя развіцця партнёрства». Вядома, бюджэтных сродкаў сёння не хапае ў многіх рэгіёнах. Пры гэтым добрыя ідэі, запатрабаваныя насельніцтвам, падтрымліваюцца ў рамках праекта ЕС/ПРААН «Садзейнічанне развіццю на мясцовым узроўні ў Рэспубліцы Беларусь». На жаль, на Віцебшчыне, у адрозненне ад іншых абласцей краіны, пачынаюць выкарыстоўваць гэту «крыніцу» падтрымкі са спазненнем.


— Трэба шукаць новыя магчымасці для паляпшэння жыцця грамадзян. Прычым не зусім стандартныя. Наша вобласць у гэтым адстала, а заходнія найбольш прасунутыя. Там даўно рэалізуюць адпаведныя праграмы матэрыяльна-тэхнічнай дапамогі, — расказвае намеснік старшыні Віцебскага райвыканкама па сацыяльных пытаннях Ксенія Карабач.

Падчас апытання мясцовых жыхароў высветлілася, якія праблемы іх турбуюць: вода- і цеплазабеспячэнне, месцамі няўстойлівая мабільная сувязь... Ну а найбольш — забеспячэнне грамадскім транспартам аддаленых, маланаселеных вёсак.

Апошнюю тэму абмяркоўвалі нядаўна. Свае думкі агучылі старшыні сельскіх Саветаў, прадстаўнік дзяржаўнага транспартнага прадпрыемства, прадпрымальнік, які аказвае аналагічныя паслугі.

— Прыгарадныя перавозкі стратныя. Толькі адзін маршрут акупляецца (у аграгарадок Ноўка, які недалёка ад Віцебска. — Аўт.). Усяго ў Віцебскім раёне каля 340 населеных пунктаў. У 57 вёсках пражываюць ад 20 да 50 чалавек. Ёсць 26 вёсак, дзе жывуць па некалькі чалавек. Але ў цэлым адпаведны сацыяльны стандарт мы выконваем, — кажа Генадзь Лагун, намеснік генеральнага дырэктара аўтобуснага парка №1 г. Віцебска (ААТ «Віцебскаблаўтатранс»).

Ён пачуў шмат крытыкі і пытанняў. Напрыклад, што рабіць, калі ў вёсцы толькі 10-15 жыхароў, або наогул адна бабуля жыве? Гэтым людзям таксама ж трэба кудысьці ездзіць! Хоць па стандарце дзяржаўны перавозчык абслугоўваць іх не павінен.

Сваю пазіцыю агучыў індывідуальны прадпрымальнік. Ён паскардзіўся на тое, што няма ніякіх дзяржаўных прэферэнцый: тэхнічны агляд, транспартны збор і іншае — як ва ўсіх.

— Пры гэтым кожны месяц страчваю на льготным месцы (для інвалідаў вайны і іншых) прыкладна 2 мільёны рублёў, — канстатаваў ён.

Дадаў, што па дамоўленасці са старшынёй сельскага Савета заязджае туды, дзе ніколі не заробіць. Але ж пайшоў насустрач мясцовай уладзе... Значыць, усё ж можна выкарыстоўваць патэнцыял недзяржаўных транспартных перавозчыкаў? А што датычыцца льгот для іх — пытанне, верагодна, магчыма вырашыць пасля дадатковага вывучэння. Было б жаданне адказных асоб розных узроўняў улады.

— У Польшчы, Чэхіі, напрыклад, спецыяльна арганізоўваецца транспартны рух — для людзей, якія маюць у гэтым патрэбу. Выстройваецца лагістыка паміж транспартнай, медыцынскай, гандлёвай і сацыяльнай службамі. Чалавеку толькі трэба тэлефанаваць у спецыяльны дыспетчарскі пункт, — патлумачыла кіраўнік ініцыятывы «Еўрарэгіён Прыдзвінне — тэрыторыя развіцця партнёрства» Валянціна Кірылава.

Аналагічнае магчыма і ў нас — у рамках згаданага вышэй праекта. Не выключаецца, што гэтым зоймецца сацыяльная служба — пасля аказання тэхнічнай дапамогі.

pukshanskі@zvіazda.by

Загаловак у газеце: Аўтобус пераўтвараецца ў... таксі?

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.