Прэзідэнт Аляксандр Лукашэнка абмеркаваў на сустрэчы са старшынёй Калегіі ЕЭК Тыгранам Саркісянам прыярытэтныя кірункі развіцця інтэграцыйных працэсаў на еўразійскай эканамічнай прасторы.
Аляксандр Лукашэнка адзначыў, што ў ЕАЭС, створаным за даволі кароткі прамежак часу, досыць поспехаў, але з-за аб'ектыўных, суб'ектыўных прычын хапае і праблем. «Напружвацца давядзецца ўсім, ад камісіі ЕЭК да прэзідэнтаў і прэм'ер-міністраў, каб вывесці на высокі ўзровень функцыянавання Еўразійскі эканамічны саюз», — лічыць Прэзідэнт Беларусі.
У той жа час Аляксандр Лукашэнка з аптымізмам глядзіць у будучыню ЕАЭС. Паводле слоў беларускага лідара, само жыццё прымушае вельмі хутка рухацца ў плане станаўлення такога саюза, дзе будзе забяспечана свабода рынкаў, руху капіталу, рабочай сілы. Прэзідэнт упэўнены, што нацыянальныя праблемы краін ЕАЭС не павінны перашкаджаць развіццю агульных інтарэсаў і вырашэнню тых пытанняў, якія стаяць перад інтэграцыйным аб'яднаннем.
«У нас дарогі назад няма. Нам трэба ўдасканальваць Еўразійскі эканамічны саюз, ствараць саюз не горшы чым ЕС. У адваротным выпадку мы перад нашымі людзьмі будзем выглядаць балбатунамі», — падкрэсліў беларускі лідар.
На сустрэчы былі абмеркаваны сярэднетэрміновыя і тактычныя задачы, якія стаяць перад ЕАЭС з улікам сусветных трэндаў, паведамляе прэс-служба Прэзідэнта. У далейшым пасля зацвярджэння ўсімі кіраўнікамі дзяржаў-членаў гэтыя кірункі будуць пакладзены ў аснову дакумента — стратэгіі прасоўвання саюза. У свеце адбываюцца сур'ёзныя трансфармацыі, еўразійская інтэграцыя сутыкаецца з новымі выклікамі. Краінам ЕАЭС, як падкрэслівалася падчас сустрэчы, будзе лягчэй пераадольваць іх сумеснымі намаганнямі.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
