Вы тут

Акцыя “Cямейнае чытанне” едзе 23 сакавіка ў Маладзечна


Запрашаем вас наведаць творчую сустрэчу з дзіцячымі пісьменнікамі, якая адбудзецца 23 сакавіка ў 11 гадзін у бібліятэцы сямейнага чытання "Верасок" (г. Маладзечна, вул. Вялікі Гасцінец, 121).


Аўтары, чые творы пабачылі свет у Выдавецкім доме “Звязда”, з задавальненнем пазнаёмяць наведвальнікаў мерапрыемства са сваімі кнігамі. Алег Ждан раскажа пра незвычайныя прыгоды першакласніка Андрэя Бабушкіна, галоўнага героя аповесці “Праздник продолжается, или Щенок, велосипед и шишка на лбу”. Уладзімір Мазго прачытае дзецям свае вершы і загадае загадкі (а самыя кемлівыя госці сустрэчы змогуць нават атрымаць прыемныя падарункі!).

А разам з Аленай Туравай, рэжысёрам кінастудыі "Беларусьфільм", сцэнарыстам, якая піша вершы і казкі і да гэтага часу лічыць сябе ў душы дзіцем, госці сустрэчы пазнаёмяцца з дванаццацігадовай Веранікай – самай рыжай дзяўчынкай у горадзе, якая раптоўна даведваецца, што насамрэч яна – спадчынная прынцэса Чароўнай краіны!

Дарэчы, гэтая творчая сустрэча – адно з мерапрыемстваў у рамках рэспубліканскай акцыі “Сямейнае чытанне”, арганізатарамі якой з’яўляюцца Міністэрства інфармацыі, Беларускі саюз жанчын, Саюз пісьменнікаў Беларусі і Выдавецкі дом “Звязда”.

Падчас акцыі, якая пачалася ў канцы мінулага года і працягнецца да мая цяперашняга, вядомыя пісьменнікі Беларусі праводзяць прэзентацыі сваіх кніг у бібліятэках, школах, кніжных крамах краіны, прымаюць удзел у кніжных кірмашах. Далуйчайцеся да акцыі і вы: прыходзьце на сустрэчы з пісьменнікамі!

Выбар рэдакцыі

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.