Вы тут

У Інстытуце журналістыкі БДУ адбылася міжнародная канферэнцыя


У Інстытуце журналістыкі БДУ адбылася міжнародная навукова-практычная канферэнцыя «Міжнародная журналістыка — 2016: турбулентнасць міждзяржаўных адносін і медыя».


У канферэнцыі акрамя беларускіх навукоўцаў і практыкаў удзельнічалі прадстаўнікі вышэйшай школы Расіі, Украіны, Казахстана, Малдовы. Разам з беларускімі калегамі яны абмеркавалі шэраг такіх актуальных тэматычных кірункаў, як асаблівасці асвятлення інтэграцыйных працэсаў на постсавецкай прасторы ў рамках Еўразійскага эканамічнага саюза, Саюзнай дзяржавы Беларусі і Расіі. У цэнтры ўвагі таксама былі спецыфіка медыйнага забеспячэння беларуска-кітайскага супрацоўніцтва, інфармацыйныя падставы міжнародных канфліктаў, досвед і навацыі замежнай журналістыкі, міжнародная журналістыка ў кантэксце глабальнага і рэгіянальнага інфармацыйнага абмену. У рамках абмену думкамі былі разгледжаны тэндэнцыі, характэрныя для міжнароднага сегмента сучаснай журналістыкі Беларусі, Расіі, Украіны, Казахстана, Кітая, Германіі, Бангладэш, Ірана.

Разам з прадстаўнікамі вышэйшых навучальных устаноў, журналістамі-практыкамі ў дыскусіі ўдзельнічалі і маладыя даследчыкі: аспіранты, саіскальнікі, магістранты, студэнты.

Канферэнцыя была падрыхтавана сумесна з Беларускім саюзам журналістаў і рэдакцыямі шэрагу СМІ. Асаблівую цікавасць у замежных гасцей, выкладчыкаў БДУ і студэнтаў выклікала выступленне і адказы на шматлікія пытанні начальніка ўпраўлення інфармацыі — прэс-сакратара МЗС Беларусі Дзмітрыя Мірончыка.

Леанід ТУГАРЫН

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.