Няма пасажыраў — няма рэйсаў

У сувязі з нязначным пасажырапатокам дзяржаўнае прадпрыемства «Мінсктранс» прыпыніла выкананне рэгулярных рэйсаў па некаторых міжнародных маршрутах.

Так, гаворка ідзе пра наступныя маршруты: Мінск — Друскінінкай адпраўленнем з нашай сталіцы ад аўтавакзала «Цэнтральны» ў 6.50, з Друскінінкая ў 16.00 — па суботах з 19 сакавіка; Мінск — Масква адпраўленнем з Мінска ў 8.30 — па суботах з 27 лютага, у 23.30 — з 9 сакавіка, з Масквы ў 10.30 — па нядзелях з 28 лютага, у 23.30 — з 10 сакавіка; Мінск — Талін адпраўленнем з нашай сталіцы ў 14.30 — па пятніцах з 27 сакавіка, з Таліна ў 16.00 — па суботах з 27 сакавіка.