Вы тут

Валянціна Мацвіенка: асобна вельмі складана выжываць у няпросты час


«Мы вельмі даражым тымі давернымі адносінамі, якія склаліся паміж Саветам Федэрацыі і Саветам Рэспублікі, і імкнёмся, каб гэта трансфармавалася ў канкрэтныя праекты», — заявіў Міхаіл МЯСНІКОВІЧ, старшыня Савета Рэспублікі Нацыянальнага сходу Беларусі падчас сустрэчы з кіраўніком Савета Федэрацыі Федэральнага сходу Расіі Валянцінай МАЦВІЕНКА.


Спікер верхняй палаты расійскага парламента прыбыла ў Беларусь для таго, каб узяць удзел у пасяджэнні Вышэйшага дзяржаўнага савета Саюзнай дзяржавы. Але напярэдадні гэтага завітала да свайго калегі. Валянціна Іванаўна выказала салідарныя з меркаваннямі беларускага парламентарыя думкі, што, як кіраўнікі палат, яны мусяць наладжваць супрацоўніцтва і тым самым паляпшаць дабрабыт жыхароў сваіх краін.

— Асобна ў кожнай дзяржаве вельмі складана выжываць у гэты няпросты час, — лічыць старшыня Савета Федэрацыі. — Дзякуючы сумеснаму інтэграцыйнаму супрацоўніцтву і аб'яднанню патэнцыялу нашых краін, павышаецца і ўстойлівасць нашых эканомік. І гэта адбіваецца на ўзроўні жыцця жыхароў як Беларусі, так і Расіі.

Валянціна Мацвіенка таксама выказала агульнае задавальненне тым, як развіваюцца расійска-беларускія адносіны. «Паступальна, канструктыўна, па ўзыходнай лініі, — падкрэсліла яна і дадала: — Варта, каб тыя дамоўленасці, якія дасягаюцца на ўзроўні кіраўнікоў дзяржаў, безумоўна выконваліся органамі выканаўчай улады і былі пад кантролем парламентаў Беларусі і Расіі».

Сёння Савет Федэрацыі і Савет Рэспублікі актыўна спрыяюць і развіццю міжрэгіянальнага супрацоўніцтва, пра што сведчыць правядзенне трэцяга форуму рэгіёнаў Беларусі і Расіі, які мусіць адбыцца ў чэрвені. Па словах спікера верхняй палаты расійскага парламента, сумесная праца суб'ектаў Расійскай Федэрацыі і рэгіёнаў Беларусі «дае добрую практычную аддачу».

pustavit@zviazda.by

Загаловак у газеце: «Савет» ды сяброўства

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.