Напружаная сітуацыя склалася на беларуска-літоўскай мяжы, дзе ў чэргах на выезд з Беларусі стаяць амаль 600 велікагрузных аўтамабіляў.
Паводле дадзеных Дзяржаўнага пагранічнага камітэта Рэспублікі Беларусь, на выезд з Беларусі ў Літву у чарзе знаходзяцца 590 аўтамабіляў: 250 у пункце пропуску Катлоўка, 210 - у Каменным Логу, 130 - у Беняконі. Пры гэтым з літоўскага боку на заезд стаяць усяго толькі 10 фур. Апроч таго, у Латвію на пунктах Урбаны і Грыгораўшчына адпаведна 30 і 60 грузавікоў чакаюць пропуску тым часам як з латвійскага боку чаргі няма.
Як вядома, 1 лютага мінуў тэрмін дзеяння дазволаў на грузаперавозкі, якімі штогод мяняюцца Расія і Польшча. Бакам загадзя не атрымалася прыйсці да пагаднення па новых дазволах, таму вадзіцелі грузавікоў дзвюх краін з пачатку бягучага месяца не могуць перасякаць мяжу. 19 лютага бакі правялі ўжо пяты этап перамоў, паведамляе ТАСС, на якім упершыню змаглі дасягнуць вызначаных дамоўленасцяў. У прыватнасці, было прынята рашэнне абмяняцца дазволамі ў аб'ёме 20 тыс. штук для кожнай краіны з дзеяннем да 15 красавіка. Да гэтага часу бакі працягнуць перамовы, каб дамовіцца пра квоты на ўвесь год.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
