Нанараспрацоўку, якая выяўляе ракавую пухліну на ранняй стадыі, прапануюць практычнай медыцыне навукоўцы БДУІР. Яна ўяўляе з сябе мініяцюрную падложку з порыстага крэмнію. Для правядзення аналізу патрабуюцца спецыяльнае абсталяванне і кропля любой фізіялагічнай вадкасці чалавека (крыві, слязы або поту), якая дапаможа выявіць у арганізме наяўнасць ракавых клетак.
Асноўная перавага — гэта таннасць аналізаў і хуткасць метаду. Кошт падложкі складае ўсяго 1 еўра. Такім чынам, аднойчы выдаткаваўшы сродкі на закупку абсталявання, можна знізіць выдаткі на аналізы ў 2-3 разы. Вынік аналізу становіцца вядомы ўжо праз 3 гадзіны, у той час як сёння чакаць аналагічнага аналізу на наяўнасць анкамаркераў у крыві даводзіцца цэлы тыдзень...
— Невядомасць і чаканне выклікаюць у чалавека стрэс, а ён — не лепшы саюзнік у лячэнні раку, — падкрэслівае начальнік сацыяльна-педагагічнай і псіхалагічнай службы БДУІР Іна Сівохіна. — Чым хутчэй ліквідуецца інфармацыйны прабел, тым хутчэй чалавек прымае правільнае рашэнне і пачынае дзейнічаць.
Нанараспрацоўка падыходзіць для дыягностыкі практычна ўсіх відаў хваробы — ад раку прастаты і лёгкіх да малочнай залозы і лейкеміі. Немалаважна, што спецыяльнай падрыхтоўкі для правядзення аналізаў ад персаналу не патрабуецца.
Сёння вынаходніцтва маладых навукоўцаў з БДУІР выкарыстоўваецца ўжо ў Расіі і Італіі. Аднак беларуская медыцына пакуль не спяшаецца ўкараняць айчынную распрацоўку.
— Магчыма, гэта звязана з тым, што медыкі асцерагаюцца змянення звыклых умоў правядзення аналізаў, неабходнасці закупкі новага абсталявання, — дзеліцца сваім меркаваннем адзін з аўтараў, старшы навуковы супрацоўнік НДЛ «Матэрыялы і структуры нанаэлектронікі» Ганна Бандарэнка. — Але ўкараненне такога метаду аналізу і нашых матэрыялаў у клінічную практыку дапаможа ў значнай ступені ўдасканаліць медыцынскія паслугі.
Паводле разлікаў, абсталяванне акупіцца ўжо за два—тры гады.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.