Вызначэннем судовай калегіі па крымінальных справах Вярхоўнага Суда Рэспублікі Беларусь прысуд судовай калегіі па крымінальных справах Віцебскага абласнога суда ў дачыненні да абвінавачанага Г. пакінуты без змянення, а яго касацыйная скарга і касацыйны пратэст дзяржаўнага абвінаваўцы — без задавальнення. Па сукупнасці злачынстваў, шляхам паглынання менш строгага пакарання больш строгім, канчаткова абвінавачанаму прызначана выключная мера пакарання — пажыццёвае зняволенне ў папраўчай калоніі асаблівага рэжыму без канфіскацыі маёмасці.
11 красавіка мінулага года падчас правядзення кантрольна-палявых мерапрыемстваў па выяўленні і спыненні парушэнняў прыродаахоўнага заканадаўства старшы дзяржаўны інспектар Аршанскай міжраённай інспекцыі аховы жывёльнага і расліннага свету Генадзь Раўкоў пры нясенні службы, знаходзячыся ў форменным абмундзіраванні з нагрудным знакам і знакамі адрознення, выявіў на тэрыторыі паляўнічых угоддзяў паблізу вёскі Петрашы Талачынскага раёна мужчыну з расчахлёнай і сабранай паляўнічай стрэльбай. Супрацоўнік інспекцыі прадставіўся і правамерна запатрабаваў ад мужчыны спыніцца і прад'явіць адпаведныя дакументы.
Апошні не падпарадкаваўся законнаму патрабаванню і паспрабаваў уцячы. Будучы заспетым, парушальнік з блізкай адлегласці стрэліў у дзяржінспектара з паляўнічай стрэльбы. Пасля гэтага ён збег з месца злачынства і прыняў меры да ўтойвання прылады злачынства. Ад атрыманага агнястрэльнага ранення Генадзь Раўкоў памёр на месцы.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
