Вы тут

Закончылі годна


Перад ад'ездам каманды на чэмпіянат Еўропы ў Польшчу мы не чулі гучных слоў, не ставілі звышзадач і не гадалі, як праявіць сябе беларуская зборная на гэтым турніры. Усе добра разумелі: каб дамагчыся гучных поспехаў, Юрыю Шаўцову з яго бравымі байцамі трэба яшчэ шмат працаваць. Сёння час падводзіць вынікі: гульнёй супраць зборнай Македоніі нашы хлопцы завяршылі выступленне на чэмпіянаце Еўропы, заняўшы 10-е месца.


З-за нездавальняючага стану здароўя ў апошнім паядынку не прынялі ўдзел лідары — Сяргей Рутэнка, Максім Бабічаў і Сяргей Шыловіч, на пляцоўку выйшла моладзь. Нягледзячы на матываваных македонцаў, яны не разгубіліся, вялі сваю гульню і таму былі ў лідарах на працягу ўсёй сустрэчы. Канчатковы лік — 30:29, перамога за намі. Менавіта яна дазволіла беларусам падняцца на 10-е месца і перасягнуць вынік двухгадовай даўніны, калі падапечныя Юрыя Шаўцова спыніліся на 12-й пазіцыі.

Юрый Шаўцоў:

— Перад гульнёй у нас былі вялікія праблемы са складам, таму мне было даволі складана наладзіць і арганізаваць каманду, але яны праявілі маральна-валявыя якасці і вырвалі гэтую перамогу. Вядома, як і ўсе хлопцы, я рады, што мы змаглі дамагчыся такога выніку і трапіць у Топ-10, гэта дае нам магчымасць далейшай працы і развіцця моладзі.

Барыс Пухоўскі:

— Для мяне вельмі важна, што мы здабылі два ачкі ў матчы з македонцамі. Гэта было дзіўна. Мы паднеслі яшчэ адзін сюрпрыз. Многія з нашых гульцоў атрымалі траўмы, таму гуляла моладзь. Яны хацелі выйграць, яны змагаліся да апошніх хвілін. Мы з'язджаем дадому шчаслівымі.

Вячаслаў Салдаценка:

— У цэлым гульня нашай зборнай на турніры, мне здаецца, атрымалася добрай. Вельмі шкада, што прайгралі Нарвегіі. Калі разважаць асабіста пра маё выступленне на Еўра, то не магу сказаць, што я ім задаволены: заўсёды ёсць што выпраўляць, над чым працаваць, бо няма мяжы дасканаласці. Для мяне самым складаным матчам стаў паядынак з Польшчай, там шмат чаго не атрымлівалася.

lobazhevich@zviazda.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.