Прэзiдэнт Беларусi Аляксандр Лукашэнка i Старшыня КНР Сi Цзiньпiн абмянялiся ў гэтай сувязi вiншавальнымi тэлеграмамi, паведамiлi ў прэс-службе беларускага лiдара. Запуск быў праведзены з кiтайскага касмадрома «Сiчан».
Кiраўнiк беларускай дзяржавы падкрэслiў, што гэта з'яўляецца важнай падзеяй i вынiкам шматгадовага супрацоўнiцтва дзвюх краiн, якое мае ўсёабдымны стратэгiчны характар. «Выведзены на арбiту кiтайскiм ракетаносцам спадарожнiк стаў ключавым элементам нацыянальнай сiстэмы спадарожнiкавай сувязi i вяшчання Рэспублiкi Беларусь, — адзначыў Аляксандр Лукашэнка. — Праект мае высокую iнавацыйную, эканамiчную, сацыяльную i палiтычную значнасць для нашай краiны».
На думку Прэзiдэнта Беларусi, запуск спадарожнiка, якi з нецярпеннем чакалi як у Кiтаi, так i ў Беларусi, наглядна дэманструе дасягненнi кiтайскай навукi i тэхнiкi ў галiне асваення космасу.
Аляксандр Лукашэнка выказаў упэўненасць, што далейшая сумесная работа па развiццi касмiчных тэхналогiй дасць магчымасць Беларусi i Кiтаю пашырыць магчымасцi ў сферы тэлекамунiкацыйных паслуг.
Кiраўнiк дзяржавы павiншаваў Старшыню КНР з гэтай важнай падзеяй. Аляксандр Лукашэнка ад iмя беларускага народа пажадаў кiтайскiм вучоным, спецыялiстам у галiне касмiчных тэхналогiй i сiстэм сувязi новых адкрыццяў i далейшых поспехаў на карысць усяго чалавецтва.
У сваю чаргу Сi Цзiньпiн адзначыў, што праект спадарожнiка сувязi «Белiнтэрсат-1» з'яўляецца важным вынiкам беларуска-кiтайскага ўзаемадзеяння ў галiне развiцця космасу. «Праект спадарожнiка сувязi «Белiнтэрсат-1» з'яўляецца важным увасабленнем беларуска-кiтайскiх адносiн усебаковага стратэгiчнага партнёрства, а таксама важным вынiкам беларуска-кiтайскага ўзаемадзеяння ў галiне развiцця космасу», — падкрэслiў Сi Цзiньпiн. Ён выказаў упэўненасць, што гэты спадарожнiк акажа садзейнiчанне развiццю беларускай эканомiкi, росту народнага дабрабыту i грамадскаму прагрэсу.
Старшыня КНР запэўнiў, што кiтайскi бок будзе i ў далейшым прыкладаць сумесныя намаганнi, накiраваныя на ўмацаванне iнавацыйнага супрацоўнiцтва, бесперапынна развiваць беларуска-кiтайскiя адносiны ўсебаковага стратэгiчнага партнёрства на карысць дзвюх краiн i народаў.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
