21 верасня, панядзелак

Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра тое, як мінскае «Дынама» церпіць трэцяе паражэнне запар у выязной серыі чэмпіянату КХЛ, а беларускія біятланісткі страчваюць шанц трапіць на п'едэстал у эстафетнай гонцы пятага этапу Кубка свету.


1. Хакеісты мінскага «Дынама» з буйным лікам саступілі омскаму «Авангарду» 1:8. Гэта ўжо трэцяе паражэнне запар у выязной серыі з вядучымі камандамі Усходняй канферэнцыі; раней падапечныя Андрэя Кавалёва саступілі магнітагорскаму «Металургу» (1:5) і ўфімскаму «Салавату Юлаеву» (3:4).

— Сапернік дамінаваў ва ўсім. У нас не атрымалася практычна нічога. Віншую «Авангард» з перамогай. Гэты матч будзе нам добрым урокам. Мы папярэджвалі гульцоў перад сустрэчай, як дзейнічаць у першым перыядзе, але, на жаль, не дастукаліся да іх, — адзначыў галоўны трэнер Андрэй Кавалёў пасля сустрэчы ў Омску.

Завершыцца выязная серыя «зуброў» сёння матчам з астанінскім «Барысам».

2. Жаночай эстафетнай гонкай 4х6 км у нямецкім Рупольдынгу завяршыўся пяты этап Кубка свету па біятлоне. Зборная Беларусі заняла там 13-е месца, а пераможцамі сталі ўкраінскія біятланісткі. Другія — немкі, трэцімі фінішавалі спартсменкі з Італіі.

Наступны кубкавы этап пройдзе з 21 па 24 студзеня ў італьянскім Антхольцы.

3. У Мінску стартаваў розыгрыш Кубка развіцця, у ім бяруць удзел юнацкія каманды з 12 краін. Футбалісты зборнай Беларусі прадстаўлены гульцамі, не старэйшымі за 1999 год нараджэння. У стартавым паядынку групы А яны сустракаліся з камандай Ірана і перамаглі з лікам 3:1.

Сёння беларусы згуляюць са зборнай Латвіі, 20 студзеня сустрэнуцца са славакамі. Пасля завяршэння першага этапу каманды, якія занялі 1—3 месцы, разыграюць у аднакругавым турніры ўзнагароды спаборніцтваў. Вырашальныя матчы адбудуцца 24 студзеня.

Адзначым, што такі юнацкі турнір праводзіцца ўжо 12-ы раз. Чатыры разы яго пераможцамі станавіліся расійскія футбалісты (2008, 2010, 2014, 2015), па два разы галоўны прыз выйгравалі каманды Беларусі (2006, 2007), Украіны (2009, 2012), Бельгіі (2011, 2013), пераможцамі першага турніру ў 2005 годзе стала зборная Сербіі і Чарнагорыі.

 lobazhevich@zviazda.by

Загаловак у газеце: Зацяжная серыя няўдач

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.