Адпаведнай пастановай Савета Міністраў №8 ад 11 студзеня 2016 года ў другой дэкадзе студзеня ў нашай краіне зменены пералік сацыяльна значных тавараў і паслуг, цэны і тарыфы на якія рэгулююцца дзяржаўнымі органамі.
У прэс-службе беларускага ўрада паведамляюць, што гэты дакумент прыняты з мэтай далейшага зніжэння адміністрацыйнага рэгулявання ў сферы цэнаўтварэння. У пастанове ў прыватнасці гаворыцца: «З улікам прадстаўленага шырокага асартыменту прадукцыі рознага цэнавага сегмента на рынку і канкурэнцыі сярод вытворцаў цяпер адсутнічае неабходнасць у цэнавым рэгуляванні шэрагу харчовых тавараў (хлеб, мяса, яйка курынае, малочныя прадукты, дзіцячае харчаванне) на пастаяннай аснове». Цэны на названыя харчовыя тавары будуць рэгулявацца ў выпадку неабходнасці ў мэтах выключэння значнага росту цэн пры ажыццяўленні аналізу сітуацыі на харчовым рынку і на часовы тэрмін, але не больш за 90 дзён на працягу аднаго года. Акрамя таго, пастановай выключаецца рэгуляванне тарыфаў на шэраг паслуг. Сёння ў гэты спіс трапілі тарыфы на прафілактычныя і абавязковыя медыцынскія агляды грамадзян, бо аплату за іх праходжанне ў асноўным ажыццяўляюць суб'екты гаспадарання. Таксама выключаецца рэгуляванне тарыфаў на прадастаўленне мясцовых тэлефонных злучэнняў карыстальнікам сеткі стацыянарнай электрасувязі з выкарыстаннем таксафона, што зараз страціла сваю актуальнасць.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
