На сайце роеzd.rw.bу з'явіўся шэраг новаўвядзенняў, у тым ліку быў абноўлены яго інтэрфейс, пашыраны функцыянал атрымання інфармацыі аб раскладзе цягнікоў, змянілася форма бланка электроннага праязнога дакумента.
Як расказалі ў прэс-цэнтры магістралі, кожнаму набытаму праз інтэрнэт білету цяпер прысвойваецца ўнікальны 14-значны нумар. Пасля аплаты электроннага праязнога дакумента фарміруецца яго бланк, у якім паказаны нумар заказу (14 знакаў) і нумар электроннага праязнога дакумента (14 знакаў). Калі ў заказе адзін білет, нумары заказу і электроннага праязнога дакумента супадаюць. Калі ж ён аформлены на двух-чатырох пасажыраў, нумары супадаюць толькі ў першага пасажыра ў заказе.
Цяпер у пасажыраў з'явілася больш магчымасцяў кіраваць сваімі заказамі. Напрыклад, у новай версіі сістэмы продажу можна выконваць або адмяняць электронную рэгістрацыю ў асабістым кабінеце (не пазней, чым за адну гадзіну да адпраўлення з пачатковай станцыі маршруту руху) як адначасова для ўсіх указаных у заказе пасажыраў, так і асобна для кожнага з іх. Пры гэтым у бланку электроннага білета паказваецца час, да якога магчымая адмена электроннай рэгістрацыі.
Апроч таго, на сайце чыгункі з'явіўся раздзел «Зніжкі», у якім можна азнаёміцца са зніжкамі на праезд, што прадастаўляюцца магістраллю.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
